Prabhas Salaar : ‘ప్రభాస్’ ఈ పేరు ఇండియానే కాదు.. ఓవర్సీస్ లో కూడా బాగా వినిపిస్తుంది. ప్రశాంత్ నీల్ డైరెక్షన్ లో వచ్చిన సలార్ ప్రభాస్ కు రికార్డుల మీద రికార్డులను తెచ్చిపెడుతోంది. ఈ మూవీ రిలీజ్ నుంచే బాలీవుడ్ తో పాటు ఓవర్సీస్ లో హౌజ్ ఫుల్ కలెక్షన్లతో ఆడుతుంది. ఇద్దరు ప్రాణ స్నేహితులు బద్ధ శత్రువులుగా మారితే.. అనే కాన్సెప్ట్ తో వచ్చిన ఈ మూవీ చాప్టర్ 1 ఆసాంతం ఆడియన్స్ ను కుర్చీలకు అంటుకునేలా చేసింది.
కళ్లు తిరిగే విజువల్ ఎఫెక్ట్స్ తో వచ్చిన ‘సలార్’ను చూసేందుకు రెండు కళ్లు చాలడం లేదని ప్రభాస్ ఫ్యాన్స్ చెప్పడం కొసమెరుపు. ఇప్పటి వరకు ఇండియన్ ఇండస్ట్రీలో లేని రికార్డులను ఈ సినిమాతో ప్రభాస్ సొంతం చేసుకున్నాడు. ఇక స్టోరీ, అందులోని పాత్రల పరంగా చూస్తే ప్రభాస్ స్టయిల్, నటన సినిమాకే హైలట్ అని చెప్పాల్సిందే. ఇక చాప్టర్ 2 కోసం ఆయన అభిమానులు వెయిట్ చేస్తున్నారు. ఎప్పుడు ఎప్పుడు వస్తుందా? స్టోరీ ఎలా టర్న్ అవుతుందోనని ఆసక్తిగా ఎదురు చూస్తున్నారు.
ఇక సలార్ మూవీతో ప్రభాస్ మరో కొత్త రికార్డు నెలకొల్పాడు. రిలీజైన ఫస్ట్ డే నే రూ. 100 కోట్లు కలెక్ట్ చేసిన హీరోల్లో ఆయన ఫస్ట్ ప్లేస్ లోకి వెళ్లిపోయాడు. ఆయన నాలుగు సినిమాలు (బాహుబలి 2, సాహో, ఆదిపురుష్ ఆ తర్వాత సలార్). ప్రభాస్ తర్వాత రెండో స్థానంలో షారూక్ ఖాన్ (పఠాన్, జవాన్) మూడో స్థానంలో యష్ (కేజీఎఫ్), జూనియర్ ఎన్టీఆర్, రామ్ చరణ్ (ఆర్ఆర్ఆర్), విజయ్ (లియో), రన్ బీర్ కపూర్ (యానిమల్) వరుసగా ఉన్నారు.
