Aggiramaiah Devarapaali : మృధు స్వభావి, స్నేహశీలి, సంఘ సేవకుడు అయిన దేవరపల్లి అగ్గి రామయ్య గురించి ఆంధ్రప్రదేశ్ ప్రజలకు పరిచయం అవసరం లేదు. ‘దేవరపల్లి అగ్గిరామయ్య ఛారిటబుల్ ట్రస్ట్’ను ఏర్పాటు చేసి లక్షలాది మందికి తనకు చేతనైనంత సాయం చేశారు. వృద్ధులు, దివ్యాంగులు, పేదలను ఆదుకున్నారు. వృద్ధులకు ఆర్థిక సాయం చేయడంతో పాటు దివ్యాంగులకు ట్రై సైకిళ్లు, పరికరాలను అందించారు.
ఎన్ఆర్ఐ అయిన అగ్గి రామయ్య సేవలను గుర్తించిన టీడీపీ అధినేత చంద్రబాబు నాయుడు, జనసేన అధినేత పవన్ కళ్యాణ్ తో చర్చించి బాపట్ల ఎంపీ సీటును ఖరారు చేశారు. ఎస్సీ సామాజిక వర్గానికి చెందిన దేవరంపల్లి అగ్గి రామయ్యకు టీడీపీ నాయకులు అనగాని సత్యప్రసాద్, గొట్టిపాటి రవికుమార్, ఏలూరి సాంబశివరావు మద్దతిచ్చారు.
విద్యార్ధి దశ నుంచే రాజకీయాల వైపునకు ఆకర్షితులయ్యారు అగ్గి రామయ్య. విద్య విలువ తెలిసిన మనిషిగా ఎంతో మంది విద్యార్థులను సొంత ఖర్చుతో చదివిస్తున్నారు. ఎన్ఐటీ కాలికట్ నుంచి ఇంజినీరింగ్ పట్టా అందుకొని అమెరికాలో ఉంటూ 2007 నుంచి ఆంధ్రప్రదేశ్ ప్రజా, రాజకీయ రంగాల్లో చురుగ్గా పాల్గొంటున్నారు.
అమెరికాలోని న్యూ జెర్సీలో ఉన్న ఆయన గురువారం (మార్చి 14) ‘మీట్ అండ్ గ్రీట్’ కార్యక్రమం నిర్వహించారు. సాయంత్రం 7 గంటలకు న్యూ జెర్సీలోని సోమర్ సెట్, మెడికల్ ఆఫీస్ బిల్దింగ్ లో ఈ కార్యక్రమం జరిగింది. అగ్గి మారయ్య ఫ్రెండ్స్, పరిచయస్తుల, అభిమానులు పాల్గొన్నారు. బాపట్ల సీటు దక్కించుకున్నందుకు ఆయనను వారు అభినందించారు.
All Images Courtesy : Dr. Shiva Kumar Anand (Jaiswaraajya Tv & JSW Tv Global Director)
More Images : Meet & Greet with Aggiramaiah Devarapaali Bapatla TDP MP Seat
