OTT Series : ఓటీటీ ప్రపంచంలో అత్యద్భుతమైన సిరీస్ ‘పంచాయత్’. రెండు సీజన్లను కంప్లీట్ చేసుకున్న ఈ షో మూడో సీజన్ గా మన ముందుకు రాబోతోంది. గడిచిన రెండు సీజన్లను చూసిన ప్రేక్షకులు సీజన్ 3 కోసం ఈగర్ గా వెయిట్ చేస్తున్నారు. దీపక్ కుమార్ మిశ్రా దర్శకత్వం వహించిన ఈ సిరీస్ చందన్ కుమార్ రాసిన ‘పంచాయత్’ నవల ఆధారంగా తెరకెక్కించారు. ఉత్తరప్రదేశ్‌లోని ఫూలేరా గ్రామంలోని పంచాయితీ కార్యాలయంలో సెక్రటరీగా నిరుద్యోగ ఇంజినీర్ గ్రాడ్యుయేట్ అభిషేక్ త్రిపాఠి పాత్ర చూట్టూ కథ తిరుగుతుంది.
ఇటీవలి కాలంలో అత్యంత ఆసక్తిగా ఎదురుచూస్తున్న, అత్యంత ఉత్కంఠభరితమైన ఓటీటీ షోలలో ఒకటైన పంచాయితీ 3 మరికొద్ది గంటల్లో ఓటీటీ అరంగేట్రం చేయనుంది. ఈ నెల 28న అమెజాన్ ప్రైమ్ వీడియోలో ఈ సిరీస్ ప్రసారం కానుంది. గ్రామీణ డ్రామా సిరీస్ రేపటి నుంచి స్ట్రీమింగ్ కానుండడంతో ఇండియన్ ఓటీటీ ప్రేక్షకుల్లో భారీగా అంచనాలు ఉన్నాయి.
అన్ని భాషల ప్రేక్షకులను అలరించిన అతికొద్ది ఓటీటీ షోలలో పంచాయిత్ ఒకటి. టార్గెట్ హిందీ ఆడియన్స్ తో పాటు ఇతర భాషా ప్రేక్షకులకు కూడా ఈ షో బాగా వర్కవుట్ అయ్యింది. ఉత్తరాదిలోని ఓ పల్లెటూరి నేపథ్యంలో సాగే ఈ పల్లెటూరి డ్రామా కోసం తెలుగు ప్రేక్షకులు కూడా ఆసక్తిగా ఎదురుచూస్తున్నారు. సింపుల్ డ్రామా ఫ్యాక్టర్, ప్రధాన తారాగణం సహజ నటన ఈ షోకు ప్రధానాంశాలు.
ఈ షోపై అంచనాలను పెంచుతూ అమెజాన్ ఈ షో ఓటీటీ అరంగేట్రంను కొంతకాలం వాయిదా వేస్తూ మళ్లీ హైప్ కార్డ్ ఆడింది. ఈ జాప్యం ఇప్పుడు షోపై అంచనాలను మరింత పెంచింది.
