Astrology on Telangana Elections : తెలంగాణలో ఎన్నికలు ముంచుకొచ్చేస్తున్నాయి. ఇక 24 రోజుల గడువు మాత్రమే మిగిలి ఉంది. ఇప్పటికే పార్టీలన్నీ వ్యూహ ప్రతివ్యూహాలతో కదన రంగంలో కాలు దువ్వుతున్నాయి. అధికార బీఆర్ఎస్ తో పాటు ప్రతిపక్ష కాంగ్రెస్ గెలుపుపై ధీమాతో ముందుకెళ్తున్నాయి. విజయం తమదంటే తమదే అని అంచనా వేసుకుంటున్నాయి. దక్షిణ తెలంగాణ, ఉత్తర తెలంగాణ ల వారీగా ఇప్పటికే గెలిచే స్థానాలపై పార్టీలన్నీ ఒక అంచనాకు వచ్చేశాయి. అయితే ఈ రేసులో ఎవరి లెక్కలు వారికి ఉన్నాయి.
ఈ క్రమంలో తెలంగాణ లో ఎన్నికలపై ఒక పండితుడు జ్యోతిష్యం చెప్పాడు. తెలంగాణలో ఎవరికి చాన్స్ ఉంటుందో తేల్చిచెప్పాడు. అయితే ఆయన అంచనా ప్రకారం తెలంగాణలో హంగ్ ఖాయమనే అభిప్రాయం వినిపిస్తున్నది. అధికార బీఆర్ఎస్ కు 49-53 సీట్లు, బీజేపీ 19-21, కాంగ్రెస్ కు 38-45 సీట్లు, ఎంఐఎం6-8 సీట్లు వచ్చే అవకాశం ఉందని ఆ జ్యోతిష్యుడు తేల్చి చెప్పాడు. ఇదే జరిగితే తెలంగాణలో హంగ్ ఖాయమనే అభిప్రాయం వినిపిస్తున్నది.
ఇక తెలంగాణలో బీఆర్ఎస్, ఎంఐఎం లేదా బీఆర్ఎస్, బీజేపీ లేదంటే కాంగ్రెస్, ఎంఐఎం ఏర్పడే చాన్స్ ఉందనే అభిప్రాయం వినిపిస్తున్నది. మరి ఓటరు నిర్ణయం ఎలా ఉందో నెలరోజుల్లో తేలిపోనుంది. ఇక హంగ్ ఖాయమైతే మాత్రం ఏ పార్టీ ఎవరితో పొత్తు పెట్టుకుంటుందో చూడాలి. ఇన్నాళ్లూ శత్రువుల్లా తిట్టుకున్న నేతలు రేపు ఒకే వేదికపై అధికారం పంచుకునే అవకాశం ఉంది.
