Diwali celebrations 2023 in New Jersey : భారతీయ సంస్కృతి, సంప్రదాయాలను దశ దిశలకు తీసుకెళ్తున్నారు మన ఇండియన్స్. భారత దేశంలో నిర్వహించుకునే ప్రతీ పండగను అక్కడి వారికి పరిచయం చేయడంతో పాటు ఎన్ఆర్ఐలు కూడా ఈ కార్యక్రమాల్లో పాల్గొని మరింత ఆనందాన్ని పొందుతున్నారు. ఉద్యోగాలు, ఇతర పనుల కోసం వెళ్లిన వారు పండుగల సందర్భంగా ఏర్పాటు చేసిన కార్యక్రమాల్లో పాల్గొని ఆనందంగా గడుపుతున్నారు.
‘తెలుగు సారస్వత సాంస్కృతిక సంఘం’ ఆధ్వర్యంలో ఈ యేడు దీపావళి వేడుకలను మరింత ఉత్సాహంగా నిర్వహించేందుకు నిర్వాహకులు అన్ని ఏర్పాట్లు చేస్తున్నారు. ఈ వేడుకలను నవంబర్ 4 (శనివారం)వ తేదీన న్యూయార్క్ లోని, క్రన్సాఫ్ థియేటర్, హిల్ వుడ్ కమన్స్ బిల్డింగ్, ఓల్డ్ వెస్ట్ బ్రేలో ఏర్పాటు చేశారు. మధ్యాహ్నం 3 గంటల నుంచి ఈ కార్యక్రమం మొదలు కానుంది. ఇందులో మెలొడి మెస్ట్రో మణిశర్మ ఆధ్వర్యంలో మ్యూజిక్ కన్సర్స్ ఏర్పాటు చేశారు.
ఈ కన్సర్ట్ లో సింగర్స్ వైష్ణవి, సృతిక, స్వరాగ్ కీర్తన్, పవన్ చరణ్ తమ గాత్రం అందించనున్నారు. స్పందన పల్లి ఫ్యాషన్ వాక్ ఈ వేడుకలను మరింత అందంగా మార్చనున్నాయి. తెలుగు సారస్వత సాంస్కృతిక సంఘం 52 సంవత్సరాలుగా అమెరికాలో వివిధ కార్యక్రమాలు నిర్వహిస్తుంది. ఈ కన్సర్ట్ లో పాల్గొనాలంటే ఎంట్రీ ఫీజుగా 20 డాలర్లు చెల్లించాల్సి ఉంటుందని నిర్వాహకులు తెలిపారు. ఇక సాయంత్రం 5.30 గంటల నుంచి 6.30 గంటల వరకు డిన్నర్ ను కూడా ప్రొవైడ్ చేయనున్నారు నిర్వాహకులు.
