‘Bhola Shankar’ :
మెగాస్టార్ చిరంజీవి-మెహర్ రమేశ్ కాంబోలో వస్తున్న చిత్రం ‘భోళా శంకర్’. తమన్నా హీరోయిన్ గా, కీర్తి సురేశ్ చిరంజీవి చెల్లెలుగా చేస్తున్నారు. ఈ మూవీ షూటింగ్ చివరి దశకు చేరుకుంది. తమిళంలో హిట్ అయిన ‘వేదాళం’ సినిమాకు ఇది రీమేక్.
ఈ మూవీ ఫస్ట్ లుక్ పోస్టర్, టీజర్, పాటలుకు మంచి రెస్పాన్స్ వచ్చింది. ఈ నేపథ్యంలో 11వ తేదీ (శుక్రవారం) థియేట్రికల్ రిలీజ్ చేసేందుకు సన్నాహాలు చేస్తున్నారు. అడ్వాన్స్ బుకింగ్ కూడా మొదలైంది. ఇక ఓవర్సీస్ ని పరిశీలిస్తే అడ్వాన్స్ బుకింగ్ తో 15 వేల డాలర్ల వరకు వచ్చాయని వినిపిస్తోంది.
డైరెక్టర్ మెహర్ రమేశ్ తన సినిమాలోని హీరోలను చాలా స్టయిలిష్ గా చూపిస్తాడు. ఇందులో కూడా హీరోను అలానే చూపిస్తాడా? అని ఫ్యాన్స్ అనుమానం వ్యక్తం చేస్తున్నారు. ఈ మూవీ సాంగ్ భోళా మానియాలో చిరు లుక్ చూసి ఫ్యాన్స్ ఫిదా అయ్యారు.
కీర్తి సురేశ్ చిరంజీవి సిస్టర్ పాత్రలో కనిపిస్తుండగా యంగ్ హీరో సుశాంత్ ఆమెకు బాయ్ ఫ్రెండ్ గా కనిపిస్తున్నాడు. ఈ మూవీ ఇన్ సైడ్ టాక్ చూస్తే అవుట్‌పుట్ ఎబోవ్ యావరేజ్ అని, ఒక్కసారి చూడచ్చు అని వినిపిస్తుది. కలెక్షన్స్ పరంగా నష్టం కూడా వస్తుందని కొన్ని ట్రేడ్ వర్గాలు అంచనా వేస్తున్నాయి. ఈ నేపథ్యంలో ఫ్లాప్ కావచ్చు అని ఇన్‌సైడ్ టాక్.
ట్రేడ్ వర్గాల లెక్కల ప్రకారం ఈ మూవీకి రెండు తెలుగు రాష్ట్రాల్లో కలిపి ఇప్పటికే రూ.70 కోట్ల ప్రీ రిలీజ్ బిజినెస్ జరిగిందని అంచనా. దర్శకుడు మెహర్ రమేశ్ గత చిత్రాలు ప్లాప్ కాగా, వాటితో భారీ స్థాయిలో నష్టాలు వచ్చాయి. మొదటి షో మంచి పాజిటివ్ టాక్ వస్తే, చిరంజీవికి ఉన్న క్రేజ్ వల్ల విజయం సాధించే అవకాశం ఉందని అంటున్నారు.
