Agent OTT :
అక్కినేని వారసుడు అఖిల్ హీరోగా వచ్చిన లేటెస్ట్ స్పై యాక్షన్ మూవీ ఏజెంట్ . వాయిదాదాల మీద వాయిదాలు పడుతూ ఈ యేడాది ఏప్రిల్ 28న గ్రాండ్గా విడుదలైన మొదటి షో నుంచే ప్లాఫ్ టాక్ ను మూటగట్టుకుంది. అఖిల్ అండ్ సురేందర్ రెడ్డి గత చిత్రాల కన్నా భారీ డిజాస్టర్ గా నిలిచింది. ఈ మూవీ విడుదలైన మూడు వారాలకే ప్రముఖ ఓటీటీ సోనీ లివ్లో స్ట్రీమింగ్ కానుందని ప్రకటించారు. ఆ తర్వాత వాయిదా పడింది. తాజాగా ఈ సినిమా ఈ నెల 29న స్ట్రీమింగ్కు రానుంది. తాజాగా ఈ సినిమా ఓటీటీలో స్ట్రీమింగ్ కాకుండా కోర్టు స్టే విధించింది. విశాఖకు చెందిన ప్రముఖ పంపిణీదారుడు బత్తుల సత్యనారాయణ (వైజాగ్ సతీష్) ఈ సినిమా డిస్ట్రిబ్యూషన్ విషయంలో తనకు అన్యాయం జరిగిందని ఆరోపించారు.
ఏజెంట్ డిస్ట్రిబ్యూషన్ విషయంలో నిర్మాత తనను మోసం చేశారంటూ కోర్టుకెక్కాడు. హైదరాబాద్ సిటీ సివిల్ కోర్టులో దావా వేశారు. ఆయన వాదనలు విన్న తర్వాత ఈ నెల 29న ఏజెంట్ చిత్రం స్ట్రీమింగ్ కాకుండా స్టే ఇచ్చింది. ఈ విషయాన్ని సతీష్ బత్తుల లాయర్ మీడియాకు తెలిపారు.
మొత్తంగా థియేటర్స్లో చూడని ఆడియన్స్ ఈ సినిమాను ఓటీటీలో చూద్దామనుకున్న అక్కినేని ఫ్యాన్స్కు ఇది షాకింగ్ పరిణామనే చెప్పాలి. ఈ సినిమాకు సురేందర్ రెడ్డి దర్శకుడు. స్పై యాక్షన్ థ్రిల్లింగ్ అంశాలతో రూపొందిన ఈ మూవీని ఏకే ఎంటర్టైన్మెంట్స్, సురేందర్ 2 సినిమాస్ సంస్థలు కలిసి రూపొందించాయి. ఈ ఏడాది భారీ డిజాస్టర్ గా నిలిచింది. మొదటి మూడు రోజులు కూడా సినిమా నిలబడలేకపోయింది. ఈ సినిమా హైప్ కోసం మలయాళ సూపర్ స్టార్ ముమ్ముట్టి ప్రధాన పాత్రలోకి తీసుకున్నారు. అయితే కాస్టింగ్ భారీగా ఉన్నా సినిమా మాత్రం తేడా కొట్టింది. .ఈ సినిమా ప్రపంచ వ్యాప్తంగా సాధించిన కలెక్షన్లు ఇలా ఉన్నాయి. తెలుగు రాష్ట్రాల్లో రూ. 5.65 కోట్ల షేర్ (రూ. 10.65 కోట్ల గ్రాస్). వరల్డ్ వైడ్గా మొత్తం 6.90 కోట్లు.. (రూ. 13.35 కోట్ల గ్రాస్) అందుకుంది. ఇక ఈ సినిమా ఓవరాల్ బిజినెస్ 36.20 కోట్లుగా ఉంది. రూ. 37 కోట్ల బ్రేక్ ఈవెన్ టార్గెట్తో బరిలో దిగిన ఈ సినిమా.. రూ. 30.10 కోట్ల థియేట్రికల్గా నష్టాలను మిగిల్చింది.
ఓటీటీ రైట్స్ను ప్రముఖ స్ట్రీమింగ్ వేదిక ‘సోనీలివ్’ దక్కించుకుంది. థియేట్రికల్ రన్ పూర్తయిన ఎనిమిది వారాలకు ఈ సినిమా ఓటీటీలో స్ట్రీమింగ్కు రానుందని ముందుగా తెలిపారు. బాక్సాఫీస్ దగ్గర తేడా కొట్టడంతో ఓటీటీ రిలీజ్ డేట్ను ముందుకు జరిపారు. తీరా ఇపుడు నిర్మాతకు డిస్ట్రిబ్యూటర్ తో జరిగిన గొడవతో ఈ సినిమా ఓటీటీ స్ట్రీమింగ్ పైనా కోర్టు స్టే విధించింది.