Indian 2 Movie :
లోకనాయకుడు కమల్ హాసన్ గురించి తెలియని ఇండియన్ ప్రేక్షకులు లేరు.. ఈయన ఎన్నో బ్లాక్ బస్టర్ సినిమాల్లో నటించి తన విలక్షణ నటనతో మెప్పించాడు. మరి కమల్ హాసన్ నటించిన సినిమాల్లో భారతీయుడు ఒకటి. ఈ సినిమా బ్లాక్ బస్టర్ హిట్ అయ్యి అప్పట్లోనే సంచలనం సృష్టించింది. మరి ఇన్నేళ్ల తర్వాత ఈ సినిమాకు రీమేక్ తెరకెక్కుతుంది.
గత నాలుగేళ్లుగా ఈ సినిమా పనులు జరుగుతుండగా రెండేళ్ల క్రితం అయితే పట్టాలెక్కింది. కానీ స్టార్ట్ అయినప్పటి నుండి ఏదొక అడ్డంకి ఎదురవుతూనే ఉంది. దీంతో కమల్ హాసన్ విక్రమ్ సినిమాను చేసాడు. ఈ సినిమాతో బ్లాక్ బస్టర్ హిట్ అందుకుని కమల్ చాలా ఏళ్ల తర్వాత మళ్ళీ ఫామ్ లోకి రావడంతో ఇండియన్ 2 మళ్ళీ తెర మీదకు వచ్చింది.
”ఇండియన్ 2” సినిమాను ఈ ఏడాది షూట్ స్టార్ట్ చేసి అప్పుడే ఎండింగ్ వరకు వచ్చేసారు. అగ్ర డైరెక్టర్ ఇండియన్ కామెరూన్ గా పేరుగాంచిన శంకర్ దర్శకత్వంలో ఈ సినిమా తెరకెక్కుతుంది.. శంకర్ అంటే ఎలా తెరకెక్కిస్తాడో అందరికి తెలుసు. దీంతో ఈ సినిమాపై భారీ అంచనాలే ఏర్పడ్డాయి.. ఈ సినిమాను ఈ ఏడాది చివర్లో కానీ వచ్చే ఏడాది కానీ రిలీజ్ చేయడానికి సన్నాహాలు చేస్తున్నారు.
ఇదిలా ఉండగా ఈ సినిమా టైటిల్ ను ”ఇండియన్ 2” అని ఇప్పటికే పలు పోస్టర్స్ మీద కూడా వేసి క్లారిటీ ఇచ్చేసారు. కానీ తాజాగా ఈ సినిమా పేరు ఇండియన్ 2 నుండి భారతన్ 2 గా మార్చబోతున్నారు అనే టాక్ సోషల్ మీడియాలో వైరల్ అవుతుంది. అయితే మన ఇండియా ను అధికారికంగా భారత్ అని ప్రకటిస్తే అప్పుడు ఈ సినిమా పేరును కూడా మార్చే అవకాశం ఉందని టాక్ వస్తుంది. చూడాలి ఇందులో నిజమెంతో..
