![Rajinikanth](https://jaiswaraajya.tv/wp-content/uploads/2024/06/P-8-26.jpg)
Rajinikanth : ప్రధాని నరేంద్ర మోదీ ప్రమాణస్వీకారోత్సవంలో పాల్గొనాలని తమిళ సూపర్ స్టార్ రజనీకాంత్ కు ఆహ్వానం అందింది. దేశ ప్రధానిగా నరేంద్ర మోదీ ఈనెల 9న మూడోసారి ప్రమాణ స్వీకారం చేయనున్నారు. ఈ కార్యక్రమానికి దేశవిదేశాలకు చెందిన ప్రముఖులు అనేక మందిని ఆహ్వానిస్తున్నారు. ఈ మేరకు ఢిల్లీలో జరిగే ప్రమాణ స్వీకార కార్యక్రమానికి హాజరుకావాలని పీఎంవో నుంచి రజనీకాంత్ కు ఆహ్వానం వచ్చినట్లు సమాచారం.
ఈ కార్యక్రమానికి కూటమి నాయకులు, విదేశీ నేతలు, ప్రతినక్ష సభ్యులు, సినీ, క్రీడారంగ ప్రముఖులు, అగ్రశ్రేణి పారిశ్రామికవేత్తలతో సహా మరికొంత మందిని ముఖ్య అతిథులుగా ఆహ్వానించనున్నట్లుగా అధికారులు తెలిపారు. ఈ జాబితాలో పలువురు ట్రాన్స్ జెండర్లు, కొత్త పార్లమెంటు భవన నిర్మాణానికి పని చేసిన శ్రామికులు, పారిశుధ్య కార్మికులు, వందే భారత్ రైళ్లువంటి కీలక ప్రాజెక్టుల్లో పనిచేసిన వారికి అవకాశం కల్పించినట్లు తెలిపారు.
భారత దేశాభివృద్ధికి తోడ్పడుతున్న వీరందరినీ మోదీ తన ప్రమాణ స్వీకార కార్యక్రమానికి ప్రత్యేకంగా ఆహ్వానించారు.