![Special AV on Janasena](https://jaiswaraajya.tv/wp-content/uploads/2024/06/P-4-2-1.jpg)
Special AV on Janasena : ఇటీవల ఏపీలో జరిగిన ఎన్నికల్లో టీడీపీ, జనసేన, బీజేపీ కూటమి ఘన విజయం సాధించిన సంగతి తెలిసిందే. దీంతో రాష్ట్రంలో కొత్త ప్రభుత్వం ఏర్పాటైంది. పిఠాపురం నుంచి ఎమ్మెల్యేగా పోటీ చేసిన జనసేన అధినేత పవర్ స్టార్ పవన్ కళ్యాణ్ 70వేలకు పైగా మెజార్టీతో అఖండ విజయం సాధించారు. టీడీపీ, జనసేన, బీజేపీ కలిసి ఏర్పాటు చేసిన కొత్త ప్రభుత్వంలో ఆయనకు ప్రాధాన్యం కల్పించారు.
ఆయనకు డిప్యూటీ సీఎం పదవితో పాటు పంచాయతీ రాజ్ గ్రామీణాభివృద్ధి అండ్ గ్రామీణ నీటి సరఫరా, పర్యావరణం, అటవీ, శాస్త్ర & సాంకేతిక శాఖల మంత్రిగా నియమించారు. విజయవాడలోని డిప్యూటీ సీఎం క్యాంప్ ఆఫీసులో ఆయన బాధ్యతలు స్వీకరించారు. దీంతో పవర్ స్టార్ కు సినీ, రాజకీయ ప్రముఖులు సోషల్ మీడియా వేదికగా ప్రశంసల వర్షం కురిపిస్తున్నారు.
పవన్ అటు సినిమాలు లేదంటే రాజకీయాలతో బిజీగా ఉంటారు. కానీ ఆయన సోషల్ మీడియాలో అంతగా యాక్టివ్ గా ఉండరు. చాలా కాలం నుంచి ట్విట్టర్ ఉపయోగిస్తున్న పవన్ కళ్యాణ్.. కొద్ది రోజుల క్రితమే ఇన్ స్టాలోకి ఎంటర్ అయ్యారు. ఇందులో కేవలం రాజకీయాలకు సంబంధించినవి, సినిమాల విషయాలను మాత్రమే పోస్ట్ చేస్తుంటారు.
తాజాగా డిప్యూటీ సీఎంగా పదవి బాధ్యతలు స్వీకరించిన తర్వాత పవన్ తన ఇన్ స్టాలో ఓ పోస్ట్ చేశారు. నిత్యం ప్రజల మధ్యలో ఉంటూ వారి సమస్యల కోసం పోరాడుతూ ఈ పదేళ్లు రాజకీయం చేశారు. ప్రజలు ఇప్పుడు ఆయన ఏదో చేస్తాడని చెప్పి అధికారం ఇచ్చారు. తనకు ఇచ్చిన అవకాశాన్ని వినియోగించుకుని ప్రజల సమస్యలు తీరుస్తానంటూ హామీ ఇచ్చారు.
ఇది ఇలా ఉంటే ఏపీలో ఎన్డీయే కూటమి భారీ విజయం సాధించడంతో పీపుల్స్ మీడియా ఫ్యాక్టరీ ఫౌండర్, నిర్మాత విశ్వప్రసాద్ గ్రాండ్ గా పార్టీ ఇచ్చారు. ఈ సందర్భంగా పవన్ కళ్యాణ్ పై ప్రదర్శించిన ఏవీ ఆకట్టుకుంటుంది. ఎన్నో అవమానాలను, విమర్శలను ఎదుర్కొని పవన్ విజయం సాధించారని అందులో కొనియాడారు. ఆ వీడియో గూస్ బంప్స్ తెప్పిస్తుంది ఆయన అభిమానులు ఫుల్ ఖుషీ అవుతున్నారు.
AV అదిరిపోయింది 🔥
రాష్ట్ర రాజకీయాల్లో పెను తుఫాను , దేశ రాజకీయాలను సైతం ప్రభావితం చేయగల నాయకుడు#PawanKalyanAnuNenu @PawanKalyan Grand Celebration of the Alliance’s Electoral Victory! 🥳#PeopleCelebrations@peoplemediafcy @vishwaprasadtg @shreyasgroup pic.twitter.com/CZOUBMPic8
— Satish Mogali (@mogali_sat77717) June 23, 2024