ఫోర్బ్స్ మెచ్చిన లేడీ బాస్ మన అర్చనా రావ్. మైసూర్ లో ఉన్నత చదువులు చదివిన అర్చనా రావ్ ఆస్ట్రేలియాకు చెందిన అట్లాషియన్ సంస్థలో సీఐఓ (చీఫ్ ఇన్ఫర్మేషన్ ఆఫీసర్ ) గా పనిచేస్తోంది. తాజాగా ఫోర్బ్స్ 2022 జాబితా విడుదల చేయగా అందులో అర్చనా రావ్ కు కూడా స్థానం లభించింది. అర్చన గత 20 ఏళ్లుగా టెక్ రంగంలో కీలక బాధ్యతలు నిర్వర్తిస్తున్నారు.
వినియోగదారులకు ఎక్కువ సమయం కేటాయిస్తూ వాళ్లతో చర్చిస్తూ సంస్థ అభివృద్ధికి ఎంతగానో దోహదపడుతున్నారు అర్చన దాంతో అర్చన కోసమే సీఐఓ పోస్ట్ క్రియేట్ చేసారు. ఒక సంస్థ ఆమె కోసం కొత్త పోస్ట్ క్రియేట్ చేసిందంటే ఆమె పని తీరు ఏ లెవల్ లో ఉందో అర్ధం చేసుకోవచ్చు. ఇప్పటికే పలువురు భారతీయులు ప్రపంచ వ్యాప్తంగా వివిధ హోదాలలో పనిచేస్తూ భారతదేశానికి గౌరవాన్ని తెచ్చి పెడుతున్నారు. ఇప్పుడా జాబితాలో అర్చనా రావ్ కూడా చేరారు.