‘విరూపాక్ష’కు దారుణమైన కలెక్షన్స్.. ఎక్కడంటే?

Virupaksha collections : మెగా మేనల్లుడు సాయి ధరమ్ తేజ్ హీరోగా టాలెంటెడ్ భామ సంయుక్త మీనన్ హీరోయిన్ గా నటించిన లేటెస్ట్ బ్లాక్ బస్టర్ మూవీ ”విరూపాక్ష”.. ఈ సినిమా గత రెండు వారాలుగా బాక్సాఫీస్ దగ్గర సందడి చేస్తూనే ఉంది.. కార్తీక్ దండు దర్శకత్వంలో తెరకెక్కిన ఈ సినిమా ఏప్రిల్ 21న రిలీజ్ అవ్వగా మొదటి రోజు నుండే మంచి మౌత్ టాక్ తో సూపర్ హిట్ అనిపించుకుంది.

అయితే మొదటి రెండు వారాలు పోటీగా మరో సినిమా లేకపోవడంతో తన సందడి కొనసాగించింది. ఈ సినిమా మూడవ వారంలో తమిళ్, మలయాళం, హిందీ భాషల్లో కూడా రిలీజ్ చేసారు.. అయితే ఈ సినిమా తెలుగులో సూపర్ హిట్ అయ్యింది కానీ మిగతా భాషల్లో ఆకట్టు కోలేక తేలిపోయింది.సుమారు రూ.50 కోట్ల బడ్జెట్ తో తెరకెక్కించిన ఈ సినిమా థియేట్రికల్ బిజినెస్ రూ.25 కోట్ల వద్ద క్లోజ్ అయ్యింది.. ముందుగా తెలుగులో మాత్రమే రిలీజ్ అవ్వగా రెండు వారాల్లోనే రూ.56 కోట్ల రూపాయలను రాబట్టి సంచలనం క్రియేట్ చేసింది.

అయితే మూడవ వారంలో అంతగా రాణించలేక పోయింది. తెలుగులో మాత్రమే కాకుండ మూడవ వారంలో మిగతా భాషల్లో రిలీజ్ చేసారు. అక్కడ అయితే ఈ సినిమా ఆకట్టుకోలేక పోయింది. హిందీలో 23 లక్షలు, తమిళ్ లో పొన్నియన్ సెల్వన్ మరింత దెబ్బ కొట్టడంతో కనీస కలెక్షన్స్ కూడా రాబట్టలేక 15 లక్షలు మాత్రమే రాబట్టింది. మరి ఈ కలెక్షన్స్ తో మిగతా భాషల్లో విరూపాక్ష సర్దుకోవడం ఖాయం.. మొత్తంగా ఈ సినిమా వరల్డ్ వైడ్ గా ఇప్పటి వరకు 47 కోట్ల షేర్, 85 కోట్ల గ్రాస్ వసూళ్లను రాబట్టినట్టు తెలుస్తుంది.