మన రోగ నిరోధక వ్యవస్థ దెబ్బ తింటే తరచుగా మనకు జలుబు, దగ్గు, జ్వరం, ఫ్లూ వంటి లక్షణాలు కనిపిస్తాయి. దీంతో మన రోగ నిరోధక వ్యవస్థ బలహీనంగా మారిందని అర్థం చేసుకోవాలి. ఏదైనా గాయం అయితే అది త్వరగా మానకపోతే మన రోగ నిరోధక వ్యవస్థ దెబ్బ తిందని తెలుసుకోవాలి. ఇలా మనకు కొన్ని లక్షణాలు కనిపిస్తే జాగ్రత్త వహించాలి.
చెవుల్లో ఇన్ఫెక్షన్ కూడా మన రోగ నిరోధక వ్యవస్థ గురించి తెలియజేస్తుంది. తరచుగా కడుపు నొప్పి బాధిస్తుంటే కూడా రోగనిరోధక వ్యవస్థ పనిచేయడం లేదని గ్రహించుకోవాలి. ఒత్తిడికి గురవుతుంటే కూడా మనకు అనుమానం వస్తుంది. మన శారీరక వ్యవస్థ మందగించిందని అర్థం చేసుకోవాల్సి ఉంటుంది. ఇలా ఈ లక్షణాలు మనలో కనిపిస్తే జాగ్రత్తలు తీసుకుంటే సరి.
దీన్ని దూరం చేసుకోవాలంటే మంచి పోషకాలు ఉన్న ఆహారాలు తీసుకోవాలి. ఒత్తిడిని తగ్గించుకోవాలి. పరిశుభ్రత పాటించాలి. శారీరక శ్రమ చేయాలి. తగినంత నిద్ర ఉండేలా చూసుకోవాలి. ఇలాంటి చిన్న చిన్న జాగ్రత్తలు తీసుకుంటే మన రోగ నిరోధక వ్యవస్థ బాగుంటుంది. ఫలితంగా మన ఆరోగ్యం మెరుగుపడుతుందని గ్రహించుకోవాలి.
