China Population : ప్రపంచ జనాభా పెరుగుతోంది. చైనా జనాభా మాత్రం తగ్గుతోంది. దీంతో ఇప్పుడు కలవరపడుతోంది. రోజురోజుకు జనాభా పెరుగుదలలో తేడాలు రావడంతో కలత చెందుతోంది. ఈ పరిస్థితి ఇలాగే కొనసాగితే భవిష్యత్ కష్టమేనని తెలుస్తోంది. దీంతో జనాభా పెరుగుదలకు పలు చర్యలు తీసుకుంటున్నా ఫలితాలు ఇవ్వడం లేదు. దీని వల్ల తీవ్ర పరిణామాలు ఎదురయ్యే అవకాశాలున్నాయి.
కొవిడ్ ప్రభావం చైనాను కుదిపేసింది. కొవిడ్ సమయంలో 1.11 కోట్ల మంది చనిపోతే చైనా తప్పుడు నివేదికలు ఇచ్చింది. వేలల్లోనే మరణాలు జరిగాయని బుకాయించింది. వైరస్ పుట్టుకకు కారణం ఆ దేశమే అయినా ప్రపంచ దేశాలను పక్కదారి పట్టించింది. దానికి భారీ మూల్యం చెల్లించుకుంది. దాని జనాభా తగ్గడానికి ఇది కూడా పరోక్ష కారణంగా నిలుస్తోంది.
మరోవైపు చైనాలో పెళ్లిళ్లు చేసుకునేందుకు యువత ముందుకు రావడం లేదు. జీవితంలో స్థిరపడాలనే ఉద్దేశంతో బతుకు దెరువు కోసమే యవ్వనమంతా కేటాయించాల్సి వస్తోంది. దీంతో పెళ్లిళ్లు ఆలస్యమై పిల్లలు పుట్టడానికి కూడా చాలా మంది ఎదరు చూడాల్సిన పరిస్థితి ఏర్పడింది. ఒకప్పుడు ప్రపంచంలోనే అత్యధిక జనాభా కలిగిన దేశం ఇప్పుడు రెండో స్థానానికి పడిపోయింది. మనదేశం మొదటి స్థానంలో నిలుస్తోంది. చైనా దిద్దుబాటు చర్యలు తీసుకుంటున్నా అవి సరైన ఫలితాలు ఇవ్వడం లేదు.
2022 నుంచి జనాభా తగ్గుదల భారీగా నమోదవుతోంది. 2023లో కూడా జనాభా పెరగలేదు. దీని ప్రభావం ఇలాగే కొనసాగితే భవిష్యత్ ప్రశ్నార్థకమే. ఈనేపథ్యంలో చైనా ఆందోళన పడుతోంది. జనాభా పెంచుకోవడానికి కావాల్సిన మార్గాల కోసం అన్వేషిస్తోంది. రోజురోజుకు జనాభా నిష్పత్తి దారుణంగా పడిపోతోంది. ఇక భవిష్యత్ అంధకారమే అని నమ్ముతోంది. జంటలు బిడ్డల్ని కనాలని సూచిస్తోంది.