Ramcharan-Vijay Devarakonda : రామ్ చరణ్ సినిమాల ఎంపిక విషయంలో చాలా జాగ్రత్తగా ఉంటాడని అందరికీ తెలిసిందే. అందుకే ఆయన చేసిన సినిమాలు బాక్సాఫీట్ హిట్ లేదంటే పాజిటివ్ టాక్ దక్కించుకున్నాయి. గతేడాది రామ్ చరణ్ బర్త్ డే వేడుకకు ప్రశాంత్ నీల్, నర్తన్ వంటి కన్నడ డైరెక్టర్లు వచ్చినప్పుడు ఈ ఇద్దరు దర్శకులతో సినిమా పట్టాలెక్కనుందని అనేక పుకార్లు సోషల్ మీడియా వేదికగా షికారు చేశాయి.
చరణ్ స్నేహితులైన యూవీ క్రియేషన్స్ వారు నర్తన్ డైరెక్షన్ లో మెగా పవర్ స్టార్ కోసం ఓ ప్రాజెక్ట్ చేయాలని చాలా కాలం నుంచి ఈ ఆలోచన ఉందని చెప్పారు. కానీ పరిస్థితులు మాత్రం అస్సలు అనుకూలంగా ఉండడం లేదు.
ఇలా రకరకాల వార్తలు వస్తున్నా రామ్ చరణ్ కోసం నర్తన్ తో సినిమా కార్యరూపం దాల్చకపోవడంతో దర్శకుడు నర్తన్ ఇప్పుడు మరో యంగ్ హీరో వైపు చూస్తున్నట్లు తెలుస్తోంది. నర్తన్, విజయ్ దేవరకొండను సంప్రదిస్తున్నాడని, అన్నీ కుదిరితే త్వరలోనే వీరిద్దరి కాంబో పట్టాలెక్కే సూచనలు కనిపిస్తున్నాయని తెలుస్తోంది.
విజయ్ చేతిలో ఫ్యామిలీ స్టార్ ఉండగా, గౌతమ్ తిన్ననూరి సినిమాను ఆ తర్వాత పూర్తి చేయాల్సి ఉంది. ఆ తర్వాత యంగ్ డైరెక్టర్స్ డైరెక్షన్‌లో మరో 2 సినిమాలు లైన్ లో ఉన్నాయి. మరి నర్తన్ తో సినిమా ఫలిస్తుందో లేదో చూడాలి. కన్నడలో ‘ముఫ్తీ’ చిత్రానికి దర్శకత్వం వహించిన నర్తన్ ప్రశాంత్ నీల్ తో పాటు ఇతర టాప్ రేంజ్ ఫిల్మ్ మేకర్స్ తో కూడా అసోసియేట్ అయ్యాడు.
