Family Star : ప్రముఖ నిర్మాత దిల్ రాజు ప్రొడక్షన్ లో రూపొందిన చిత్రం ది ఫ్యామిలీ స్టార్. రౌడీ స్టార్ విజయ్ దేవరకొండ, మృణాళ్ ఠాకూర్ కాంబినేషన్ లో వచ్చిన ఈ సినిమా రిలీజ్కు ముందు ఎన్నో అంచనాలు క్రియేట్ చేసింది. గీత గోవిందం, సర్కారు వారి పాట సినిమాతో సక్సెస్ మీద ఉన్న పరశురాం ఈ సినిమాకు దర్శకత్వం వహించారు. దిల్ రాజు ఈ సినిమాను చాలా గ్రాండ్ గా నిర్మించారు. రిలీజ్ కూడా అంతేస్థాయిలో చాలా భారీగా రిలీజ్ చేశాడు. ఈ మూవీ బడ్జెట్ ఎంత? ప్రీ రిలీజ్ బిజినెస్, కలెక్షన్ల ఎలా ఉన్నాయో తెలుసుకుందాం.
ది ఫ్యామిలీ స్టార్ స్క్రిప్టు పరంగా ఈ మూవీని కొంత పార్ట్ విదేశాల్లో షూట్ చేశారు. ఇక రిలీజ్ కు దిల్ రాజు తన సినిమాలను ఏ రేంజ్ లో ప్రమోట్ చేస్తారో ప్రత్యేకంగా చెప్పక్కర్లేదు. తను టేకోవర్ చేసిన చిన్న సినిమాలకు భారీగా ప్రమోషన్ చేస్తుంటారు. రిలీజ్ అయ్యాక సక్సెస్ టూర్లు, ఈవెంట్లు పెడుతుంటారు. భారీ బడ్జెట్ తో రూపొందించిన ఈ సినిమాకు సైతం అలాగే ప్రమోషన్ చేశారు. క్లాప్ కొట్టినప్పటి నుంచి రిలీజ్ రోజు వరకు మొత్తంగా ఈ సినిమాకు రూ. 60 కోట్లు ఖర్చు చేశారని టాక్.
ప్రీ రిలీజ్ బిజినెస్
ఇక ఈ మూవీ ప్రీ రిలీజ్ బిజినెస్ భారీగా నే సాగింది. థియేట్రికల్ రైట్స్ మంచి రేటుకు అమ్ముడుపోయాయి. నైజాం ఏరియాకు రూ. 14 కోట్లు, సీడెడ్ రూ. 4.5 కోట్లు, ఆంధ్రా రూ. 17 కోట్ల తో కలిపి మొత్తంగా రూ. 34 కోట్లకుపైగా అమ్ముడైనట్లు ట్రేడ్ వర్గాల విశ్లేషణ. ఇక ఇక కర్ణాటక, ఇతర రాష్ట్రాలు, ఓవర్సీస్ లో కలిపి రూ. 8 కోట్ల మేర బిజినెస్ చేసింది. మొత్తంగా ఈ సినిమా బిజినెస్ రూ. 44 కోట్లు చేసింది.
ఓవర్సీస్ లో బ్రేక్ ఈవెన్
ఇక ఓవర్సీస్లో ఈ సినిమా దాదాపు బ్రేక్ ఈవెన్ సాధించినట్లు గణాంకాలు చెబుతున్నాయి. రూ. 5 కోట్ల మేర బిజినెస్ చేసిన ఈ సినిమా రూ. 10 కోట్లు వసూలు చేయడం విశేషం. బాక్సాఫీస్ వద్ద స్ట్రాంగ్గా కలెక్షన్లు సాధిస్తున్నది.
క్లోజింగ్ కలెక్షన్లు ఇవే.
ఇప్పటి వరకు ఫ్యామిలీ స్టార్ మూవీ వరల్డ్ వైడ్ గా రూ. 21 కోట్ల షేర్, రూ. 30 కోట్లకుపైగా గ్రాస్ వసూళ్లను తెలుగు రాష్ట్రాల్లో రాబట్టింది. ఇక ఓవర్సీస్లో రూ. 10 కోట్లు కలెక్ట్ చేసింది. రెండు వారాల్లో దాదాపు రూ. 40 కోట్లు క్లోజింగ్ కలెక్షన్లను నమోదు చేసింది. ఫైనల్గా ఇంకా ఎంత కలెక్ట్ చేస్తుందో వేచి చూడాల్సిందే.