Family Star : ‘లైగర్’ భారీ డిజాస్టర్ తర్వాత హిట్ కొట్టక తప్పని పరిస్థితిలోకి పడిపోయాడు రౌడీ బాయ్ విజయ్ దేవరకొండ. పరశురామ్ తో సినిమా రావడంతో మొదటి నుంచి ఆశలు పెట్టుకున్నాడు. పైగా బ్యానర్ కూడా దిల్ రాజుది. ఇవన్నీ చక్కగా కుదరడంతో ఈ సారి విజయ్ హిట్టు కొడతాడని అనిపించింది.
అయితే, ‘ఫ్యామిలీ స్టార్’ మాత్రం ఆ నమ్మకాన్ని నిలబెట్టుకోలేదు. ఈ సినిమా ఫ్లాప్ అవ్వడమే కాదు, వసూళ్ల పరంగానూ వెనకే ఉండిపోయిందని టాక్ వినిపిస్తోంది. సినిమా రిలీజ్ కు ముందే డిజిటల్, శాటిలైట్ రైట్స్ అమ్మేయడంతో ప్రొడ్యూసర్ దిల్ రాజు ఎంతో కొంత సేఫ్ అయ్యారు. విజయ్ దేవరకొండకు ఈ మూవీ పారితోషికం మంచి గిట్టుబాటు అయ్యిందని తెలుస్తోంది. ఈ మూవీకి గానూ రూ.25 కోట్ల రెమ్యునరేషన్ అందుకున్నాడని టాక్. విజయ్ కెరీర్లో.. అత్యుత్తమ పారితోషికం ఈ సినిమాకే తీసుకున్నాడట.
‘లైగర్’ కు కూడా తీసుకున్నంతలో మంచి పారితోషికమే మాట్లాడుకున్నాడు. కానీ అనుకొన్న మొత్తం ఒకటైతే, చివర్ లో అందింది మరోటి. శాటిలైట్ రైట్స్ రూపంలో వచ్చిందే అంతా అని విజయే అన్నారు. ‘లైగర్’ డిజాస్టర్ కావడంతో విజయ్ కూడా తనకు ఇస్తానన్న పారితోషికాన్ని డిమాండ్ చేయలేకపోయాడు. ‘ఫ్యామిలీస్టార్’ విషయంలో విజయ్కి ఆ అసంతృప్తి అయితే లేదని తెలుస్తోంది.
కొవిడ్ కాలంలో విజయ్ ఈ సినిమాకు సంబంధించి అడ్వాన్స్ తీసుకున్నాడు. ప్రీ బిజినెస్పై నమ్మకంతో విజయ్ అడిగినంత ఇచ్చేశాడు ప్రొడ్యూసర్ దిల్ రాజు. సినిమా రిలీజ్ కు ముందే.. విజయ్ పేమెంట్స్ క్లియర్ అయిపోయాయి. అలా.. సినిమా ఫ్లాప్ అయినా.. తన పారితోషికం మాత్రం పూర్తిగా అందడంతో విజయ్ ఫుల్ ఖుషీలో ఉన్నాడు.