KCR : బీఆర్ఎస్ అధినేత కేసీఆర్ స్వయంగా ఓమ్నీ వ్యాన్ నడిపారు. డాక్టర్ల సూచనల మేరకు డ్రైవింగ్ చేసినట్లు తెలిసింది. ఫొటోలు, వీడియోలు వైరల్ అవుతున్నాయి. కాలు ఆపరేషన్ తర్వాత ప్రస్తుతం కర్ర సహాయం లేకుండానే కేసీఆర్ నడుస్తున్నారు. మ్యానువల్ గా కారు నడిపి చూడమని డాక్టర్లు సూచించడంతో తన పాత ఓమ్నీ వ్యాన్ నడిపినట్లు సమాచారం. ఇందుకు సంబంధించిన వీడియోలు వైరల్ అవుతున్నాయి. కేసీఆర్ వాహనం నడపడంతో బీఆర్ఎస్ శ్రేణులు సంతోషం వ్యక్తం చేస్తున్నాయి.
గత ఏడాది డిసెంబర్ 8వ తేదీన ఎర్రవల్లిలోని తన ఫామ్ హౌస్ లో మాజీ సీఎం కేసీఆర్ జారిపడడంతో ఎడమ తుంటికి తీవ్ర గాయమైన సంగతి తెలిసిందే. సోమాజిగూడలోని యశోద ఆస్పత్రిలో వైద్యులు కేసీఆర్ కు తుంటి మార్పిడి శస్త్ర చికిత్స చేశారు.
