![Joe Biden](https://jaiswaraajya.tv/wp-content/uploads/2024/06/180624-Biden-650.jpg)
Joe Biden : దేశాధ్యక్షులు, ప్రధానులు అంటే ఎలా ఉండాలి.. ఆ దేశానికి సంబంధించి రిప్రజంటేషన్ వారే కాబట్టి ఎప్పటికీ అలర్ట్ గా ఉండాలి. యాక్టివ్ గా ఉంటూ తమ దేశానికి మంచి గుర్తింపు తీసుకురావాలి. కానీ బైడెన్ వ్యవహారం రోజుకోమాదిరిగా తయారవుతోంది. మొన్నటికి మొన్న ఇటలీలో జరిగిన G7 సదస్సులో ఆయన వ్యవహరించిన తీరు కొంత ఇబ్బంది పెట్టింది. వివిధ దేశాధి నేతలు ఒక వైపున ఉంటే బైడెన్ మరో వైపునకు వెళ్తున్నాడు.. సరే అక్కడ ఏమైనా పనుందా? అంటే అటు వైపు ఎవరూ లేరు. ఇటలీ ప్రధాని మెలోని వారించి తీసుకుచ్చింది. దీనికి వయోభారం కూడా కారణం కావచ్చు.
బైడెన్ వయోభారం గురించి తరుచూ చర్చ జరుగుతోంది. దీనికి కారణం ఆయన వింత ప్రవర్తనే. దారితప్పడం, గందగరోళ చూపులు, స్టేజీపై బిగుసుకుపోవడం వంటివి అందుకు ఉదాహరణ. రీసెంట్ గా మరోసారి అదే తరహా ఘటన జరిగింది. ఆ సమయంలో పక్కనే ఉన్న మాజీ అధ్యక్షుడు బరాక్ ఒబామా ఆయనకు సాయంగా నిలిచారు.
లాస్ ఏంజిల్స్లో శనివారం (జూన్ 15) డెమోక్రాటిక్ పార్టీకి సంబంధించి విరాళాల సేకరణ జరిగింది. ఈ కార్యక్రమంలోబైడెన్, ఒబామా పాల్గొన్నారు. వారిని జిమ్మీ కిమ్మెల్ 45 నిమిషాల పాటు ఇంటర్వ్యూ చేశారు. ఈ సందర్భంగా డెమోక్రాటిక్ మద్దతుదారులు చప్పట్లతో మార్మోగించారు. దీంతో నేతలిద్దరూ వారికి అభివాదం చేశారు. అనంతరం ఒబామా స్టేజీపై నుంచి వెళ్లేందుకు ముందుకు కదిలారు. బైడెన్ మాత్రం దాదాపు 10 సెకన్ల పాటు బిగుసుకుపోయినట్లుగా ఉన్నారు. దీంతో పరిస్థితిని అర్థం చేసుకున్న ఒబామా.. బైడెన్ చేయి పట్టుకొని అక్కడి నుంచి తీసుకెళ్లారు.
That’s a wrap on record-setting Democratic fundraiser for Joe Biden’s reelection campaign (netting $28M). Former President Barack Obama and President Joe Biden offer final waves to Peacock Theater crowd as Obama then grabs Biden’s hand to lead him offstage following 40-minute… pic.twitter.com/xbE2jf3jdz
— Chris Gardner (@chrissgardner) June 16, 2024
ఈ ఘటనకు సంబంధించి వీడియో సోషల్ మీడియాలో చక్కర్లు కొడుతోంది. బైడెన్ ఆరోగ్యంపై పలువురు ఆందోళన వ్యక్తం చేస్తున్నారు. అయితే ఆయన భార్య జిల్ బైడెన్ మాత్రం బైడెన్ కు ఎలాంటి అనారోగ్య సమస్యలు లేవని, బాగానే ఉన్నారని ఇటీవల ఓ సందర్భంలో చెప్పారు. 81 ఏళ్ల వయసులో ఆయన వయోభారం సమస్యలతో ఇబ్బంది పడుతున్నారా? అన్న అనుమానం అమెరికన్లలో కలుగుతుంది.