![MP Prajwal Revanna](https://jaiswaraajya.tv/wp-content/uploads/2024/05/P-19-1.jpg)
MP Prajwal Revanna : ఎట్టకేలకు తనపై వస్తున్న లైంగిక ఆరోపణలపై మాజీ ప్రధాని దేవెగౌడ మనవడు, కర్ణాటక జనతాదళ్ ఎంపీ ప్రజ్వల్ రేవణ్ణ స్పందించారు. తాను బెంగళూరులో లేనందున సిట్ విచారణకు హాజరుకాలేక పోతున్నట్లు తెలిపారు. విదేశాల్లో ఉన్నందున తనకు వారం సమయం కావాలని, సిట్ విచారణకు పూర్తిగా సహకరిస్తానని, ఎప్పటికైనా సత్యమే గెలుస్తుందని పేర్కొన్నారు.
కాగా, ఉద్యోగాల కోసం వచ్చిన మహిళలు, యువతులను ప్రజ్వల్ లైంగికంగా వేధించారని సిట్ అధికారులు అనుమానిస్తున్నారు. రేవణ్ణ ఇంట్లో పనిచేసే ఓ మహిళ ఫిర్యాదు మేరకు హసన్ జిల్లా హోలెనర్సిపుర పోలీస్ స్టేషన్ లో ఆదివారం కేసు నమోదైంది.
ప్రస్తుతం హసన్ ఎంపీ ప్రజ్వల్ రేవణ్ణకు ప్రత్యేక దర్యాప్తు బృందం (సిట్) మంగళవారం నోటీసులు జారీ చేసింది. విచారణ నిమిత్తం సిట్ ఎదుట హాజరుకావాలని ఆదేశించింది.