![Venu Swamy](https://jaiswaraajya.tv/wp-content/uploads/2024/06/P-7-5.jpg)
Venu Swamy : వేణు స్వామి.. ఈ పేరు గురించి ప్రత్యేకంగా చెప్పాల్సిన పనిలేదు. గత కొన్ని నెలలుగా సోషల్ మీడియాలో బాగా ట్రోలింగ్ అవుతున్నపేరు. ఆయన కొందరికి చెప్పిన జాతకాలు చెప్పినట్లే జరగడం ఆయన తలరాతను మార్చాయి. ప్రతి ఒక్కరు కూడా వేణుస్వామి దగ్గరకు వెళ్లి జాతకం చెప్పించుకోవాలని, ఆయన చేత పూజలు చేయించుకోవాలని ఇంటరెస్టు చూపించేవారు ఎక్కువైపోయారు. కాగా, ఈ మధ్య ఏపీలో జరిగిన ఎన్నికల్లో వైసీపీ ప్రభుత్వం అధికారం చేపడుతుందని చెప్పి తన జాతకం తప్పని వేణుస్వామి రుజువు చేసుకున్నాడు. ఈ నేపథ్యంలోనే ఆయన ఇకపై జాతకాలు చెప్పను అంటూ ప్రకటించేశాడు కూడా. ఆ తర్వాత సోషల్ మీడియాకి ఆయన దూరంగానే ఉన్నాడు.
తాజాగా, వేణుస్వామికి సంబంధించిన కొన్ని ఫొటోస్ సోషల్ మీడియాలో బాగా వైరల్ గా మారాయి . ఎప్పుడు పూజలు పునస్కారాలు చేసుకునే వేణు స్వామి సడెన్ గా బారులో దర్శనమిచ్చారు. ఎల్లో పంచతో ఎల్లో షర్ట్ తో కళ్ళకు గగుల్స్ పెట్టుకొని చాలా పద్ధతిగా ముందు తాగుతున్నాడు.టేబుల్ పై చాలా పద్ధతిగా కూర్చొని.. తన మిత్రుడితో కలిసి బాగా మందు పార్టీని ఎంజాయ్ చేశాడు. దానికి సంబంధించిన కొన్ని ఫోటోలు సోషల్ మీడియాలో వైరల్ గా మారాయి. దీంతో వేణు స్వామీని.. సోషల్ మీడియాలో ట్రోల్ చేస్తున్నారు జనాలు. నీ నిజస్వరూపం ఇదా..? పెద్ద పతితుడులా మాట్లాడావు అంటూ ట్రోల్ చేస్తుంటే .. మరికొందరు వేణు స్వామి మందు తాగుతాడు అన్న విషయాన్ని ఆయనే చెప్పాడు ఈ విషయాన్ని ఎందుకు అంత రాద్ధాంతం చేస్తున్నారు.. అంటూ వేణు స్వామికి సపోర్ట్ చేస్తున్నారు.