Mahesh Babu Tweet :
బాలీవుడ్ బాద్ షా షారూఖ్ ఖాన్, టాలీవుడ్ ప్రముఖ నటుడు మహేష్ బాబు మంచి మిత్రులు. వారి ఉద్దేశాలు, లక్ష్యాలు ఒకేలా ఉంటాయి. అందుకే వారి మధ్య స్నేహం ఉంటుంది. గతంలో బ్రహ్మోత్సవం షూటింగ్ కు షారూఖ్ ఖాన్ హాజరై కాసేపు మహేష్ తో మాట్లాడి వెళ్లారు. ఇప్పుడు షారూఖ్ జవాన్ సినిమాలో నటించాడు. దీనిపై మహేష్ బాబు ఓ ట్వీట్ చేశాడు.
తాను కుటుంబంతో కలిసి జవాన్ చూడాలనుకుంటున్నానని ట్వీట్ చేయడంతో దానికి షారూఖ్ కూడా స్పందించారు. నువ్వు ఎప్పుడు చూస్తావో చెబితే నేను కూడా కుటుంబంతో కలిసి వస్తా అని చెప్పడంతో ప్రేక్షకులు సంతోషం వ్యక్తం చేస్తున్నారు. ఇద్దరు అగ్రనటులు పరస్పరం ట్వీట్లు చేసుకోవడం వారికి ఆనందం కలిగిస్తుంది. ఈనేపథ్యంలో ఇద్దరు కలిసి సినిమా చూడటంపై హర్షం వ్యక్తమవుతోంది.
జవాన్ కథ విషయానికి వస్తే షారూఖ్, అట్లీ కాంబినేషన్ లో తెరకెక్కింది. యాక్షన్ ఎంటర్ టైన్ మెంట్ కలగలిసిన చిత్రం. షారూఖ్ ఏడు గెటప్పులలో కనిపించనున్నాడు. నయనతార కథానాయిక. దీపికా పడుకొనే అతిథి పాత్రలో కనిపించనుంది. సంజయ్ దత్, విజయ్, అల్లు అర్జున్ అతిథి పాత్రల్లో నటించినట్లు చెబుతున్నారు. సంజయ్ దత్ హిందీ వెర్షన్ లో కనిపించనున్నాడని సమాచారం.
తమిళ వెర్షన్ లో విజయ్, తెలుగు వెర్షన్ లో అల్లు అర్జున్ పాత్రలు కనిపిస్తాయి. ఇలా జవాన్ సినిమాపై ప్రేక్షకుల్లో అంచనాలు పెరిగాయి. ఇప్పుడు మహేష్ బాబు సినిమా చూసేందుకు శ్రద్ధ చూపడంతో ప్రేక్షకుల్లో కూడా సంతోషం వ్యక్తమవుతోంది. జవాన్ సినిమా విజయవంతం సాధిస్తుందని భావిస్తున్నారు. ఇప్పటికే విడుదలైన ప్రచార చిత్రాలు ఆకట్టుకుంటున్నాయి.