శాకుంతలం చిత్రంలో సమంత శకుంతలాదేవిఫా నటించిన విషయం తెలిసిందే. గుణశేఖర్ దర్శకత్వంలో తెరకెక్కిన ఈ చిత్రాన్ని గుణశేఖర్ స్వయంగా నిర్మించడం విశేషం. అలాగే అగ్ర నిర్మాత దిల్ రాజు ఈ చిత్రానికి సమర్పకులుగా వ్యవహరించాడు. గత ఏడాదిలో విడుదల కావాల్సిన ఈ సినిమా ఈ ఏప్రిల్ లో విడుదల కాబోతోంది.
ఏప్రిల్ 14 న భారీ ఎత్తున విడుదల అవుతుండటంతో ఈ సినిమా స్పెషల్ ఏంటి ? అనే విషయాలను ఒక్కొక్కటిగా వెల్లడిస్తునాడు దర్శకుడు గుణశేఖర్. తాజాగా సమంత తన ఒంటి నిండా నగలు వేసుకున్న ఫోటోలు మీడియాకు వదిలి ఆ విశేషాలను వెల్లడించాడు. ఇంతకీ సమంత ఒంటి మీద ఉన్న బంగారు నగలు నిజమైనవేనా ? అలాగే అవి ఎన్ని కిలోలు అనే ప్రశ్నలు మిమ్మల్ని తొలిచేస్తున్నాయా ?
సమంత వేసుకున్న బంగారు నగలు నిజమైనవే ! సాధారణంగా షూటింగ్ లలో రోల్డ్ గోల్డ్ ఎక్కువగా వాడుతుంటారు. కొన్ని సినిమాల్లో మాత్రమే నిజమైన బంగారాన్ని వాడుతుంటారు. శాకుంతలం సినిమా కోసం ఏకంగా 25 కిలోల బంగారు నగలను చేయించాడట గుణశేఖర్. అందులో సమంత కోసం ఏకంగా 15 కిలోలు. అలాగే హీరో ఒంటి మీద 10 కిలోలు.
సమంత ఫోటోలు చూస్తే ఔరా ! అనిపించడం ఖాయం. ఎందుకంటే ఆ బంగారు నగలు చాలా అద్భుతంగా ఉన్నాయి. సమంత ఒంటి మీద ఆ నగలను చూస్తే అటు సమంతకు అలాగే ఇటు ఆ నగలకు కూడా మరింత అందమొచ్చింది. ఇక వీటి విలువ మొత్తంగా 14 కోట్ల రూపాయలు. నగల కోసమే అంతగా డబ్బులు ఖర్చు పెట్టాడు గుణశేఖర్. ఈ సినిమా ఏప్రిల్ 14 న విడుదల అవుతోంది. ఈ సినిమాపై సమంత చాలా ఆశలు పెట్టుకుంది. తనని తాను రాజకుమారిగా భావిస్తానని , అలాంటిది ఈ చిత్రంలో రాజకుమారి పాత్ర పోషించే అదృష్టం దక్కిందని సంబరపడుతోంది.
