WhatsApp New Look :
మెసేజింగ్ యాప్‌ ‘వాట్సప్’ ఎప్పటికప్పుడు కొత్త అప్‌డేట్లతో యూజర్లను మరింత ఆకట్టుకుంటోంది. ఇప్పటికే చాట్ లాక్‌, వీడియో కాల్, హెచ్‌డీ ఫొటో షేరింగ్‌ వంటి ఫీచర్లను తీసుకువచ్చింది. ఇప్పుడు మరింత కొత్తగా యూజర్ల ముందుకు రానుంది. ప్రస్తుతం ఉన్న చాట్ పేజీలో పైభాగంలో బార్‌ను తీసుకురావాలని అనుకుంటుంది. దీని కోసం ఇంటర్ ఫేస్‌లో మార్పులు, చేర్పులు చేస్తోంది. మనకు కావాల్సిన వ్యక్తుల చాట్లను త్వరగా వెతికేందుకు ఉపయోగపడేట్లుగా కొత్త రూపు ఉంటుంది.
సాధారణంగా ‘వాట్సప్’ చాట్ బార్‌లో మెసేజ్‌లు అందరి కాంటాక్ట్స్‌ ఉంటాయి. అందులో ఫ్రెండ్స్‌, వ్యక్తిగత చాట్లు, వృత్తి పరమైనవి, వ్యాపారానికి సంబంధించినవి ఇలా అన్ని కలిసి ఉంటాయి. అయితే ఇందులో మనకు కావాల్సిన వ్యక్తితో చాట్ చేయాలంటే మాత్రం అంత పెద్ద లిస్ట్‌లో వెతకాలి. లేదంటే సెర్చ్‌ బార్‌ ఉపయోగించాలి. ఆ అవసరం లేకుండా సులువుగా చాట్లను తెలుసుకొనేలా వాట్సప్ పర్సనల్‌ ఇంటర్ ఫేస్‌లో మార్పులు తీసుకు వస్తోంది. దీంతో వాట్సప్ న్యూ లుక్ చూపిస్తోంది. వాట్సప్ ఓపెన్‌ చేయగానే టాప్‌లో బార్‌ ఉంటుంది. ఇందులో ఆల్‌, అన్‌ రీడ్‌, పర్సనల్‌, బిజినెస్‌ ట్యాబ్‌ కనిపిస్తాయి. దీంతో సులభంగా వెతుక్కోవచ్చు.
