![Pawan Movie](https://jaiswaraajya.tv/wp-content/uploads/2024/05/pavan-moive-like.jpg)
Pawan movie Postponed : టాలీవుడ్లో ఫ్యాన్ ఫాలోయింగ్ ఎక్కువగా ఉన్న హీరోల్లో పవర్ స్టార్ ముందు వరుసలో ఉంటారు. మెగా కుటుంబం నుంచి వచ్చినా తనకంటూ ప్రత్యేకమైన ఫ్యాన్ ఫాలోయింగ్ ను సంపాదించుకున్నాడు. ఏ సినిమా చేసినా బ్లాక్ బస్టర్ మూవీగానే హిట్ అయ్యేలా క్రేజీ ఫ్యాన్స్ ను సంపాదించున్నాడు. ప్రస్తుతం రీ ఎంట్రీలో పవన్ కల్యాణ్ వరుసగా సినిమాలు చేస్తూ దూసుకుపోతున్నాడు.
ఓజీ (ఒరిజినల్ గ్యాంగ్స్టర్) మూవీని పవన్ కల్యాణ్ తో యంగ్ డైరెక్టర్ సుజిత్ తెరకెక్కిస్తున్నాడు. ఈ సినిమా మాఫియా బ్యాగ్రౌండ్ తో నిర్మితమవుతోంది. ఈ చిత్రంపై భారీ అంచనాలు పెరిగిపోయాయి. అంచనాలకు మించి తీయడానికి సుజిత్ చాలా కష్టపడుతున్నాడని కూడా సినీ వర్గాల నుంచి వస్తున్న టాక్.
అయితే ఓజీ మూవీకి సంబంధించి షూటింగ్ ఎప్పుడో ప్రారంభమైపోయింది. వరుస షెడ్యూళ్లలో షూటింగ్ చేస్తూ బిజి బిజీగా గడుపుతున్నారు. ఇప్పటికే 50 శాతం టాకీ పార్టును పూర్తి చేసుకుంది. మిగిలిన దాన్ని కూడా త్వరలోనే కంప్లీట్ చేయాలని అనుకుంటున్నారు. ఈ సినిమా రిలీజ్ డేట్ గురించి ఒక సర్ ప్రైజ్ విషయం తెలిసింది. సెప్టెంబర్ 27 న విడుదల కావాల్సిన ఈ మూవీ వచ్చే ఏడాదికి వాయిదా పడనుందని సినీ వర్గాల టాక్.
కారణం సితార ఎంటర్ టైన్ మెంట్స్ సంస్థ లక్కీ భాస్కర్ అనే మూవీని తీస్తోంది. దీనికి డీవీవీ దానయ్య నిర్మాతగా ఉన్నారు. ఈ మూవీ కూడా సెప్టెంబర్ 27 న విడుదల కానుండటంతో పవన్ కల్యాణ్ దానయ్య కోసం వచ్చే ఏడాదిలో ఓజీ రిలీజ్ పెట్టుకోవాలని నిర్ణయం తీసుకున్నట్లు సినీ ప్రముఖులు మాట్లాడుకుంటున్నారు. ఓజీ మూవీని కూడా దానయ్యనే నిర్మిస్తుండడంతో రెండు సినిమాలు ఒకే రోజు విడుదల చేయలేక పవన్ సినిమాను వచ్చే ఏడాదికి మార్చినట్లు ప్రచారం జరుగుతోంది. దీంతో పవన్ కల్యాణ్ ఫ్యాన్స్ నిరాశ వ్యక్తం చేస్తున్నారు. ఎప్పుడెప్పుడా అని ఎదురు చూస్తున్న పవన్ మూవీ మరిన్ని రోజులు వాయిదా పడే సరికి ఫ్యాన్స్ నిరాశలో మునిగిపోయారు.