Etela Rajender : మాజీ మంత్రి, ప్రస్తుత మల్కాజిగిరి బీజెపి ఎంపి అభ్యర్థి ఈటల రాజేందర్ కు రూ.54.01 కోట్ల ఆస్తులు ఉన్నట్లు ఎన్నికల అధికారికి సమర్పించిన తన అఫిడవిట్ లో పేర్కొన్నారు. అదేవిధంగా తనకు రూ. 20.43 కోట్ల అప్పులు ఉన్నాయని తెలిపారు.
ఇంకా తనపై 54 కేసులు నమోదైనట్లు చెప్పారు. కుటుంబానికి 72.25 ఎకరాల భూమి, పౌల్ట్రీ ఫాంలు, నివాస, వాణిజ్య భవనాలు ఉన్నాయని పేర్కొన్నారు. చేతిలో రూ. లక్ష నగదు, భార్య జమునకు 1.5 కిలోల బంగారు ఆభరణాలు, వివిధ కంపెనీల్లో పెట్టుబడులు ఉన్నాయని అఫిడవిట్ లో వెల్లడించారు.