Kavya Maran : సన్ రైజర్స్ హైదరాబాద్ ఓటమితో ఫ్రాంచైజీ ఓనర్ కన్నీటి పర్యంతమయ్యారు. కోల్ కతా నైట్ రైడర్స్ తో చెన్నైలోని చెపాక్ స్టేడియంలో జరిగిన మ్యాచ్ లో సన్ రైజర్స్ బ్యాటర్లు చేతులెత్తేసిన వేళ 18 ఓవర్లకే టీం 113 పరుగులకే ఆలౌట్ అయి ఇన్సింగ్స్ ముగించింది. మ్యాచ్ లో ఎలాగైనా బౌలర్లు రాణిస్తారని అనుకున్నారు. కానీ ఫస్ట్ బ్యాటింగ్ కు సెకండ్ బ్యాటింగ్ కు ఎంతో తేడా ఉండటంతో కోల్ కతా నైట్ రైడర్స్ బ్యాట్స్ మెన్ స్వేచ్ఛగా బ్యాట్ ఝళిపించారు.
మొదటి టాస్ గెలిచి బ్యాటింగ్ తీసుకోవడం ప్యాట్ కమిన్స్ చేసిన పొరపాటని తేలిపోయింది. దీంతో వెంకటేశ్ అయ్యర్, రహ్మనుల్లా గుర్బాజ్ ఇద్దరు ఎడాపెడా బౌండరీలు, సిక్సులతో చెలరేగి 10.3 ఓవర్లలోనే మ్యాచ్ ను గెలిపించి ఫైనల్లో కోల్ కతాను విజయ తీరాలకు చేర్చారు.
అయితే మొన్నటి మ్యాచ్ వరకు సన్ రైజర్స్ ఓనర్ కావ్య మారన్ ఎంతో ధైర్యంగా ఉండేది. మ్యాచ్ ఓడిపోయినా కూడా ఎక్కడా తాను కన్నీరు కార్చిన సందర్భాలు కనిపించలేవు. సన్ రైజర్స్ ఫైనల్లో ఏ మాత్రం పోటీ ఇవ్వకుండా ఓడిపోయే సరికి కన్నీటిని ఆపుకోలేకపోయింది. కోల్ కతా గెలుపు సంబరాల్లో మునిగిపోతే కావ్య మాత్రం వెక్కి వెక్కి ఏడ్చింది. కన్నీటిని ఎంత దిగమింగుకోవాలని చూసినా.. ఆమె వల్ల కాలేదు.
దీంతో స్టేడియంలోనే ఆమె ఏడ్వడం చూసి సన్ రైజర్స్ అభిమానులు ఆమెను సోషల్ మీడియా ద్వారా ఓదార్చుతున్నారు. మ్యాచుల్లో గెలుపు ఓటములు సహజం. అయినా నీవు తీసుకున్న నిర్ణయమే పదో స్థానం నుంచి రెండో స్థానానికి చేర్చింది. చివరి మెట్టుపై బోల్తా పడినా సన్ రైజర్స్ పై ఎప్పటికీ మా అభిమానం పోదని చెబుతున్నారు. కావ్య మారన్ మీరు ఏడిస్తే మేము తట్టుకోలేమని చెబుతున్నారు. ఇప్పటి వరకు ఫ్రాంచైజీ ఓనర్లు ఓడిపోయినపుడు ఏడ్చిన సందర్భాలు తక్కువే. కానీ కావ్య మారన్ ఏడిస్తే మాత్రం సన్ రైజర్స్ అభిమానులు కూడా తట్టుకోలేకపోయారు. టీవీల ముందు కూర్చున్న కోట్లాది మంది ఫ్యాన్స్ కూడా డిసాప్పాయింట్ అయ్యారు.
