Mokshagna :
నందమూరి నటసింహం వారసుడు మోక్షజ్ఞ బర్త్ డే నేడు. బాలకృష్ణకు మూడో సంతానంగా పుట్టిన మోక్షజ్ఞ నేడు తన 29వ బర్త్ డే జరుపుకుంటున్నాడు. మోక్షజ్ఞ 1994 సెప్టెంబర్ 6న జన్మించారు. సీనియర్ ఎన్టీఆర్ మనవడు, నటసింహం వారసుడుఅ యినా కూడా ఆయన ఎప్పుడూ ఆ గర్వాన్ని చూపించలేదు. ఎప్పుడు నిరాడంబరంగానే ఉంటాడు మోక్షజ్ఞ. కాగా తండ్రి బాటలోనే ఎప్పుడూ ప్రయాణిస్తూ ఉంటారు.
సమాజంలో జరిగే ప్రతి విషయం మీద ఆయన సోషల్ మీడియా ద్వారా స్పందిస్తూ ఉంటారు. ఎప్పుడూ అతికి పోకుండా హుందాగా ప్రవర్తిస్తూ ఉంటారు. ఇక సినిమాల్లోకి ఎంట్రీ అనేది చాలా కాలంగా చర్చలు జరుగుతున్నాయి. కానీ ఆయనకు సరిపోయే దర్శకుడి కోసం వెయిట్ చేస్తున్నారు. ఇప్పుడు ఇద్దరు దర్శకుల పేర్లు వినిపిస్తున్నాయి.
నందమూరి మోక్షజ్ఞ ఇప్పుడు పూర్తిగా హీరో లుక్ లోకి వచ్చేశాడు. ఆయన కోసం సక్సెస్ ఫుల్ డైరెక్టర్ అనిల్ రావిపూడి, బోయపాటి శ్రీనుల పేర్లను బాలకృష్ణ పరిశీలిస్తున్నారు. ఓ సాలీడ్ కథతో ఈ ఇద్దరిలో ఎవరో ఒకరితో మోక్షజ్ఞ ఎంట్రీ ఉంటుందని చెబుతున్నారు. బోయపాటితో బాలయ్యకు మూడు హిట్లు పడ్డాయి. పైగా మాస్ సినిమాలకు ఆయన పెట్టింది పేరు.
కానీ ఇప్పుడు స్కంద రిజల్ట్ ను బట్టి బాలయ్య నిర్ణయం తీసుకోబోతున్నారు. అలాగే సక్సెస్ ఫుల్ దర్శకుడిగా ఉన్న అనిల్ రావిపూడితో కూడా చర్చలు జరుపుతున్నారంట. అనిల్ రావిపూడి అయితే హిట్ పక్కా అనే నమ్మకంతో ఉన్నారు బాలయ్య. ఈ ఏడాదిలోగా సినిమా స్టార్ట్ అయ్యే అవకాశాలు ఉన్నాయని తెలుస్తోంది. మరి నందమూరి అభిమానులు ఎప్పుడెప్పుడా అని ఎదురు చూస్తున్న మోక్షజ్ఞ ఎంట్రీ ఎలా ఉంటుందో చూడాలి.