Nandamuri family wedding : నందమూరి కుటుంబం అంటే తెలుగు ఇండస్ట్రీ లోనే అతి పెద్ద కుటుంబం అనే చెప్పాలి.. దివంగత నందమూరి తారక రామారావుతో మొదలైన ఈ కుటుంబ ప్రస్థానం అంచలంచెలుగా ఎదుగుతూ వచ్చింది. ప్రస్తుతం ఈ కుటుంబం నుండి హీరోలు పాన్ ఇండియా వ్యాప్తంగా రాణిస్తూ తెలుగు ఆడియెన్స్ ను కూడా అలరిస్తున్నారు.
మరి అలాంటి నందమూరి కుటుంబంలో తాజాగా పెళ్లి సందడి జరిగింది. నందమూరి హరికృష్ణ కుమార్తె సుహాసిని తన కొడుకు పెళ్లి జరిపించింది. సుహాసిని కుమారుడు హర్ష పెళ్లిని ఘనంగా జరిపించగా కుటుంబ సభ్యులంతా సందడి చేసారు. ఇక తమ సోదరి కొడుకు పెళ్లి వేడుకలో జూనియర్ ఎన్టీఆర్, కళ్యాణ్ రామ్ లు అన్ని తామై దగ్గరుండి వేడుకను జరిపించారు.
ఆదివారం గచ్చిబౌలి లో అంగరంగ వైభవంగా పెళ్లి వేడుక జరుగగా నందమూరి కుటుంబ సభ్యులంతా పాల్గొన్నారు. ఇక ఈ వేడుకలో అరుదైన ఘటన చోటుచేసుకుంది.. నందమూరి సోదరులు మొత్తం ఒకే ఫ్రేమ్ లో కనిపించారు. ఎన్టీఆర్, కళ్యాణ్ రామ్, బాలయ్య తనయుడు మోక్షజ్ఞ ఒక ఫ్రేమ్ లో కనిపించగా ఫ్యాన్స్ సంతోషంగా ఉన్నారు.
ఎన్టీఆర్ కు బాలయ్య కుటుంబానికి దూరం ఉందని వార్తలు రాగా ఈ పిక్స్ తో చెక్ పడింది. మొత్తానికి నందమూరి పెళ్లి ఫ్యాన్స్ లో సరికొత్త ఉత్సాహాన్ని నింపింది.. ఈ పిక్స్ ఇప్పుడు నెట్టింట తెగ వైరల్ చేసేస్తూ వారు ఆనందాన్ని ఒకరితో ఒకరు పంచుకుంటున్నారు.