Rajinikanth-NTR : జై భీమ్ ఫేమ్ టీజే జ్ఞానవేల్ దర్శకత్వంలో రజనీకాంత్ హీరోగా తెరకెక్కుతున్న సినిమా ‘వెట్టైయన్’. షూటింగ్ శరవేగంగా జరుపుకుంటోంది. అమితాబ్ బచ్చన్, ఫహద్ ఫాజిల్, రానా దగ్గుబాటి, మంజు వారియర్, దుషారా విజయన్, రితికా సింగ్ వంటి స్టార్ హీరోలు కీలక పాత్రలు పోషిస్తున్నారు. రజనీకాంత్ ను కొత్త పాత్రలో ప్రజెంట్ చేసి, సూపర్ స్టార్ ను కొత్త ఎత్తులకు తీసుకెళతానని జ్ఞానవేల్ హామీ ఇవ్వడంతో ఈ సినిమాపై అంచనాలు ఆకాశాన్నంటాయి. తాజాగా ఈ సినిమా విడుదల తేదీపై ఆసక్తికర ప్రకటన చేశారు.
అక్టోబర్ 10న..
‘వెట్టైయాన్’ అక్టోబర్ 10న విడుదల కానుందని వార్తలు వినిపిస్తున్నాయి. ఈ విషయాన్ని రజినీకాంత్ స్వయంగా ఓ ఆధ్యాత్మిక సంభాషణలో వెల్లడించారు. తన పార్ట్ షూటింగ్ పూర్తయిందని, పోస్ట్ ప్రొడక్షన్ పనులు జరుగుతున్నాయని సూపర్ స్టార్ వెల్లడించారు. తిరువనంతపురం, తిరునల్వేలి, చెన్నై, ముంబై, ఆంధ్రప్రదేశ్, హైదరాబాద్ తో పాటు ఇతర దేశాల్లో చిత్రీకరించిన వెట్టైయన్ మంచి అనుభూమి ఇస్తుందని చెప్పారు.
ఎన్టీఆర్ ‘దేవర’తో తలపడుతుందా?
ఇదిలా ఉంటే కొరటాల శివ దర్శకత్వంలో ఎన్టీఆర్ నటించిన దేవర పార్ట్ 1 కూడా అక్టోబర్ 10న విడుదల కానుంది. దేవర సినిమా విడుదల తేదీని చిత్రబృందం గతంలోనే ప్రకటించారు. ఈ దసరాకు బాక్సాఫీస్ వద్ద ఈ రెండు సినిమాలు క్లాష్ అవుతాయని తెలుస్తోంది. దసరా అతి పెద్ద పండుగల్లో ఒకటి, సినిమాల పరంగా కూడా, ట్రేడ్ బెట్టింగ్ పెద్దగానే ఉంటాయి. అందుకని భారీ వసూళ్లు నమోదు చేసే అవకాశాన్ని వదులుకోవడానికి దర్శకనిర్మాతలు ఇష్టపడటం లేదు. రజనీకాంత్, యంగ్ టైగర్ తలపడితే ఎలా ఉంటుందో చూడాలని ప్రేక్షకులు కూడా వెయిట్ చేస్తున్నారు.
