Sobhita Dhulipala : తెలుగు సినిమా ఇండస్ట్రీలో తెలుగు అమ్మాయిలు తక్కువే. పరభాషా హీరోయిన్లకే ప్రాధాన్యం ఎక్కువ. దీంతో ఇతర రాష్ట్రాల నుంచి వచ్చిన వారికే అవకాశాలు ఇస్తుంటారు. దీంతో సొంత భాష హీరోయిన్లు అవకాశాల్లేక ఇబ్బందులు పడుతుండటం సహజమే. ఈనేపథ్యంలో తెలుగమ్మాయి శోభిత ధూళిపాల సినిమాల్లో దూసుకుపోతోంది. సమకాలీనంగా తనదైన స్టైల్లో నటన మీద ప్రత్యేక ఫోకస్ పెడుతోంది.
అడివి శేషుతో మేజర్ సినిమాలో నటించి మెప్పించింది. నైట్ మేనేజర్, మేడ్ ఇన్ హెవెన్ సినిమాల్లో ప్రత్యేక పాత్రల్లో నటించి ప్రశంసలు అందుకుంది. ఇంకా పలు చిత్రాల్లో తన నటనకు గాను అద్భుత పర్ఫార్మెన్స్ చూపించింది. ప్రస్తుతం కాల్ గర్ల్ పాత్రలో నటించి మెప్పించేందుకు సిద్ధమైంది. సినిమాలతో పాటు వెబ్ సిరీస్ లలో కూడా నటిస్తోంది.
దేవ్ పటేల్ నటించిన మంకీ మ్యాన్ తో హాలీవుడ్ లో ప్రవేశించింది. పొన్నియిన్ సెల్వన్ 1, పీఎస్ II (2022), మేడ్ ఇన్ హెవెన్ సీజన్ 1, సీజన్ 2లలో శోభిత హాలీవుడ్ లో తన ప్రస్థానాన్ని కొనసాగించింది. మంకీ మ్యాన్ ఇటీవల అంతర్జాతీయంగా విడుదలై సంచలనం కలిగించింది. ది న్యూయార్క్ టైమ్స్ కి ఇచ్చిన ఇంటర్వ్యూలో శోభిత మాట్లాడుతూ తన పాత్రల తీరు గురించి వివరించింది.
మంకీ మ్యాన్ లో సీత అనే కాల్ గర్ల్ పాత్రలో శోభిత నటించింది. ఏ పాత్ర అయినా అవలీలగా చేసే శోభిత ఈ పాత్రను చాలెంజింగ్ గా తీసుకుని చేసింది. మంచి మార్కులు కొట్టేసింది. దీంతో మంచి గుర్తింపును సొంతం చేసుకుంది. శోభిత దేశంలో తన మొదటి చిత్రం అనురాగ్ కశ్యప్ 2016 చిత్రం రామన్ రాఘవ్ 2.0 విడుదలకు ముందే మంకీ మ్యాన్ సీత పాత్ర కోసం అడిషన్ లో పాల్గొంది.
మొదటి చిత్రం హాలీవుడ్ చిత్రంగా దేవ్ డైరెక్షన్ డెబ్యూ మూవీని ఎంచుకోవడం రిస్కే. కానీ నమ్మకంతో చేసింది. నమ్మకం, భయం, దుర్భలత్వం ఉన్న పాత్రలను కూడా సులభంగా నటించి మెప్పించింది. ఇలా తనదైన నటన కౌశలంతో దూసుకుపోతున్న శోభిత మరిన్ని మంచి పాత్రలు పోషించాలని చూస్తోంది.
