Shivajis Son Into Bigg Boss : వావ్.. ఇన్నాళ్లకు ప్రేక్షకుల గుండెలను కూడా బరువెక్కించే ప్రోమో బిగ్ బాస్ నుండి వచ్చింది. లేటెస్ట్ గా వచ్చిన ఈ ప్రోమో అందరి చేత కన్నీళ్లు పెట్టిస్తుంది. బిగ్ బాస్ లో ఎంట్రీ ఇచ్చిన శివాజీ జనాల గుండెల్లోకి చేరిపోయాడు.. ముందు నుండి శివాజీకి కావాల్సినంత హైప్ ఇస్తూ ఈయనపై ఉన్న నెగిటివిటీ మొత్తం పోగొట్టేసారు.
బిగ్ బాస్ కు వెళ్లక ముందు నెగిటివిటీతో ఉన్న జనం ఈయన బిగ్ బాస్ లోకి అడుగు పెట్టాక పాజిటివ్ గా మార్చేసి ఇప్పుడు శివాజీ అంటే అందరి వాడిగా మార్చేశారు. ఇప్పుడు బిగ్ బాస్ లో టాప్ కంటెస్టెంట్ గా ఉన్న శివాజీ టైటిల్ రేసులో కూడా టాప్ లో ఉన్నారు. మరి ఇలాంటి తరుణంలో ఈయనను బిగ్ బాస్ విన్నర్ చేసే ఎపిసోడ్ వచ్చింది.
దానికి సంబంధించిన ప్రోమో నెట్టింట వైరల్ అవుతుంది. ఈ ఎపిసోడ్ లో శివాజీ వద్దకు డాక్టర్ గెటప్ లో వచ్చి ఆయన కొడుకు చేయి గురించి ఆరా తీసాడు. ఆ తర్వాత నాన్న అని పిలవడంతో శివాజీ కొడుకును హత్తుకుని ఎమోషనల్ అయ్యాడు. ఈయన అలా కన్నీళ్లు పెట్టుకోవడం ఆడియెన్స్ కు కూడా కన్నీళ్లు తెప్పించింది.
తండ్రి కొడుకు ఇద్దరు అలా హగ్ చేసుకుని ఏడుస్తుంటే అందరికి ఈ ఎమోషన్ కనెక్ట్ అయ్యింది.. ఆ తర్వాత శివాజీ ఆ రూమ్ నుండి బయటకు తీసుకు వచ్చి హౌస్ మేట్స్ అందరికి పరిచయం చేసాడు. నా కొడుకు అంటూ చెబుతుంటే శివాజీ ముఖంలో నిజమైన ఆనందం చూసారు.
అలాగే శివాజీ పెద్ద కొడుకు యుఎస్ వెళ్ళడానికి యూనివర్సీ డేట్ 8 వరకు ఉందని మళ్ళీ నువ్వు వచ్చే ముందు కలవడానికి వీలుంటుందో లేదో అని ఇప్పుడే వచ్చేసాను నాన్న” అంటూ చెప్పడంతో మళ్ళీ కన్నీళ్లు పెట్టుకున్నాడు.. గట్టిగా ఏడ్చేయడంతో ఏడవద్దు నాన్న మీరు ఏడిస్తే ఇంట్లో అందరు ఏడుస్తున్నారు.. మీరు నవ్వితే అందరు నవ్వుతారు అంటూ తండ్రిని ఓదార్చాడు. ఈ ప్రోమో ఇప్పుడు అందరికి గుండెల్ని తాకింది.
