![Sukumar - Lokesh Kanakaraj](https://jaiswaraajya.tv/wp-content/uploads/2024/06/difference-between-Lokesh-K_V_jpg-1280x720-4g.webp)
Sukumar – Lokesh Kanakaraj : తెలుగులో ప్రస్తుతం టాప్ డైరెక్టర్లలో ఒకరు సుకుమార్. పుష్ప సినిమా తర్వాత పాన్ ఇండియా డైరెక్టర్ గా ప్రమోషన్ పొందాడు. పుష్ప 2 కూడా త్వరలోనే ప్రేక్షకుల ముందుకు తీసుకురాబోతున్నారు. పెద్దగా బడ్జెజ్ లేకున్నా.. కథ, కథాంశం నమ్ముకుని అగ్ర హిరోతో భారీ హిట్ కొట్టడంలో సుకుమార్ ది అందవేసిన చేయి.
తమిళంలో ఉన్న మరో స్టార్ డైరెక్టర్ లోకేశ్ కనకరాజుది కూడా దాదాపు ఇదే కోవ అయినప్పటికీ కనకరాజు గ్రాండ్ గా మూవీని తీయాలని భావిస్తాడు. లోకేశ్ కనకరాజ్ ఈ మధ్య తీసిన విక్రమ్ మూవీ పాన్ ఇండియా లెవల్లో ఒక పెను సంచలనం. రజినీకాంత్ తో తీసిన మరో మూవీ జైలర్ ఊహకందని విజయంతో దూసుకుపోయింది. తమిళ స్టార్ హిరో రజినీ కాంత్ కు పెద్ద హిట్ ఇచ్చిన లోకేశ్ కనకరాజు అందరి దృష్టిలో పడ్డాడు.
జైలర్ మూవీ భారీ బడ్జెట్ తో తీసినప్పటికీ బ్లాక్ బ్లస్టర్ హిట్ కావడంతో అభిమానులు లోకేశ్ కనకరాజును పొగడ్తల్లో ముంచెత్తారు. ప్రస్తుతం రజినీకాంత్ తోనే కూలీ అనే సినిమాను తెర కెక్కిస్తున్నారు. ఇక ఈ సినిమా కూడా పాన్ ఇండియా లెవల్లో భారీ విజయం సాధించాలని ఫ్యాన్స్ కోరుకుంటున్నారు. లోకేశ్ కనకరాజ్, రజినీ కాంత్ ఇద్దరు కూలీ మూవీపై చాలా అంచనాలు పెట్టుకున్నారని తెలుస్తోంది.
ఇటు సుకుమార్ పుష్ప 2 మూవీతో బిజీగా ఉన్నారు. ముందుగా అనుకున్నట్లు ఆగస్టు 15న మూవీని రిలీజ్ చేయాలని నిర్ణయం తీసుకున్నారు. కానీ ఆ తర్వాత కొన్ని అనివార్య కారణాల వల్ల దాన్ని డిసెంబర్ కు పొడిగించారు. అయినా సుకుమార్ బాధపడటం లేదంటా.. విజయం కోసం ఎన్ని రోజులైనా నిరీక్షించిన తప్పులేదు. కానీ ప్రేక్షకులను ఏ మాత్రం నిరాశపర్చకూడదని భావిస్తున్నాడు. అందుకోసమే ఇప్పటికే రెండు సార్లు పుష్ప 2 వాయిదా పడింది. అయితే ఈ ఇద్దరి డైరెక్టర్లకు పెద్దగా తేడా లేకున్నా.. సినిమా హిట్ కోసం ఇద్దరు వేరు వేరు ప్రయత్నాలు చేస్తుంటారు. ఒక్కరు కథ మీద దృష్టి పెడితే మరొకరు గ్రాండ్ గా తీసి విజయం సాధించాలని భావిస్తుంటారు.