Rajanikanth : తమిళ సూపర్ స్టార్ రజనీకాంత్ కు తెలుగు, కన్నడ, అతెందుకు ఇండియాలోనే సూపర్ క్రేజ్ ఉంది. స్టయిల్ లో ఇప్పటి వరకు ఆయనను బీట్ చేసిన వారెవరూ లేరంటే అతిశయోక్తి కాదు. ఇలా చెప్పుకుంటూ పోతే చాలానే ఉంటాయి కానీ ప్రస్తుతం మనం టాపిక్ చూద్దాం. ఇంతటి క్రేజ్ ఉన్న రజనీకాంత్ సినిమా ‘జైలర్’ నిన్న (ఆగస్ట్ 11) థియేటర్లలోకి రిలీజైంది. ఈ సినిమా ఫస్ట్ డే కలెక్షన్లు రూ. 95 కోట్లు రాబట్టింది. దీన్ని బట్టి చూస్తే ఆయనకు మార్కెట్ ఇంకా తగ్గలేదని అర్థం అవుతుంది.
ఇక థియేటర్ల నుంచి వెళ్లేలోగా సులభంగా రూ. 500 కోట్ల కంటే ఎక్కువ మొత్తం కలెక్ట్ చేస్తుందని ట్రేడ్ వర్గాలు అంచనా వేస్తున్నాయి. ఇక తమిళ సూపర్ స్టార్ రజనీకాంత్ ఆస్తుల విలువ చూస్తే రూ. 430 కోట్ల వరకు ఉందట. ఆయనకు ఖరీదైన విల్లాలతో పాటు లగ్జరీ కార్లు కూడా ఉన్నాయి.
ప్రస్తుత సినిమా ‘జైలర్’ సక్సెస్ తో ఫామ్ లోకి వచ్చిన రజనీకాంత్ భవిష్యత్ ప్రాజెక్ట్ లపై అంచనాలు భారీగా పెరుగుతున్నాయి. ఒక్కో సినిమాకు 80 కోట్లు పారితోషికం తీసుకుంటున్న ఆయన తన సినిమా నష్టాల్లోకి వెళ్తే రెమ్యునరేషన్ తిరిగి ఇచ్చేసిన సందర్భాలు కూడా అనేకం ఉన్నాయి. రజనీకాంత్-నెల్సన్ దిలీప్ కుమార్ కాంబినేషన్ లో మరికొన్ని సినిమాలు వస్తే బాగుంటుందని ఆయన ఫ్యాన్స్ అభిప్రాయం వ్యక్తం చేస్తున్నారు. వయస్సుకు తగిన పాత్రలను ఎంచుకుంటున్న రజనీని నెటిజన్లు ప్రశంసిస్తున్నారు.
కథకు అనుగుణంగా లుక్స్ మారుస్తుంటారు ఆయన. ఆయన గురించి ఎంత చెప్పినా తక్కువే అవుతుంది. రజనీకాంత్ కొత్త సినిమా ‘లాల్ సలామ్’ ప్రస్తుతం షూటింగ్ దశలో ఉంది. దీనిపై కూడా భారీగా అంచనాలు పెరుగుతుండగా బాక్సాఫీస్ వద్ద ఎలాంటి రిజల్ట్ సొంతం చేసుకుంటుందో చూడాలి మరి.
