TFAS 40th Anniversary : ఏ దేశమేగినా ఎందు కాలిడినా పొగడరా నీ జాతి నిండు భారతిని అన్నారో సినీకవి. ఎన్ని సముద్రాలు దాటినా మన సంప్రదాయాలు మాత్రం మరిచిపోవద్దు. ఎన్ని దేశాలు దాటినా మన ఆచారాలు పాటిస్తూనే ఉండాలి. అలా మన తెలంగాణలో ప్రధాన పండుగైన దసరా ఉత్సవాలను ఘనంగా చేసుకుంటారు. అమెరికాలో బతుకమ్మ, దసరా ఉత్సవాలు ఘనంగా జరుపుకుంటారు.
న్యూజెర్సీ కళా సమితి 40వ వార్షికోత్సవం సందర్భంగా ఆదివారం ఎడిసన్ లోని రాయల్ అల్బర్ట్ ప్యాలెస్ హాలులో నిర్వహిస్తున్నారు. శ్రీనివాస కల్యాణంతో ప్రారంభమయ్యే ఈ వేడుకలో మహిళ, యువత, వైద్య, సాహితీ, సాంకేతిక సెమినార్లతో పాటు సిరివెన్నెల, అల్లురామలింగయ్య, కె.విశ్వనాథ్ గుర్తులతో కార్యక్రమాలు ఏర్పాటు చేశారు.
అనంతరం సాయంత్రం మంగ్లీ-ఇంద్రావతిల సంగీత విభావరి ఏర్పాటు చేసినట్లు అధ్యక్షుడు రాచకుళ్ల మధు, కన్వీనర్ దాము గేదెల తెలిపారు. ఇలా అమెరికాలో ఇలాంటి కార్యక్రమాలు ఏర్పాటుచేసి తెలుగు వారి ఐక్యతను చాటుతుంటారు. మన పండుగలను అక్కడ ఎంతో ఘనంగా నిర్వహించడం ఆనవాయితీగా వస్తోంది. అందరు ఒక చోట చేరి పండగ జరుపుకోవడం చూడ ముచ్చటగా ఉంటుంది.
టీఎఫ్ఎస్ ఆధ్వర్యంలో జరిగే పండుగలో అందరు ఎంతో సంతోషంగా పాల్గొంటారు. బతుకమ్మ ఏర్పాట్లు ఘనంగా చేస్తున్నారు. మన సంప్రదాయాన్ని గౌరవిస్తూ అక్కడి వారు జరుపుకునే పండగ కోసం నిర్వాహకులు అన్ని రకాల సదుపాయాలు కల్పించారు. ప్రవాస భారతీయుల వేడుక చూడతరమా అన్నట్లుగా నిర్వహించడంతో అందరు హర్షం వ్యక్తం చేస్తున్నారు.
