Before Shooting : ఓ తమిళ దర్శకుడు టైర్-2 స్టార్ కు కథ చెప్పడానికి చెన్నై నుంచి హైదరాబాద్ వచ్చాడు. కథ ఆకట్టుకోవడంతో నటుడు ఓకే చెప్పాడు. తమిళ దర్శకులతో చేదు అనుభవం ఉన్న నిర్మాత సందేహంగానే ఓకే చెప్పాడు.
ఎలాంటి రెమ్యునరేషన్ తీసుకోకుండా రూ. 65 కోట్లతో సినిమా పూర్తి చేస్తానని చెప్పాడు. అది కూడా నిర్మాతకు కన్విన్సింగ్ గానే అని పించింది. ఆయనకు సాయంగా తెలుగు రచయితల బృందాన్ని ఇచ్చి చెన్నైలో ఒక కార్యాలయాన్ని కూడా ప్రారంభించారు. కొన్ని నెలలు పనిచేసి తిరిగి హైదరాబాద్ వచ్చి నచ్చిన హీరోకు మరో మాట చెప్పాడు. అప్పుడు అసలు షాక్ తగిలింది!
ఈ సారి దర్శకుడు నిర్మాత దగ్గరకు వెళ్లి రూ. 150 కోట్లకు తగ్గకుండా సినిమా రెడీ అవుతుందని చెప్పాడట. నిర్మాత నిరుత్సాహపడినా సంయమనం పాటించాడు. ఎంత ఖర్చవుతుందో మొత్తం బడ్జెట్ ను పేపర్ పై లిస్ట్ చేయమని దర్శకుడిని కోరాడు. ‘నాకు తగినంత అనుభవం ఉంది. హీరోకి కథ నచ్చడంతో వీలైనంత వరకు ఖర్చు తగ్గించుకోవడానికి నా వంతు ప్రయత్నం చేస్తాను’ అన్నారు.
అయినా దర్శకుడు వెనక్కి తగ్గలేదు. బడ్జెట్ కు బ్రేక్ ఇవ్వడానికి ఆయన నిరాకరించారు. ముహూర్తానికి ముందే బడ్జెట్ రూ. 65 కోట్ల నుంచి ఏకంగా రూ. 150 కోట్లకు చేరితే.. విడుదల సమయానికి అది ఎంత అవుతుందో ఊహించలేం’ అని నిర్మాత ఆవేదన వ్యక్తం చేశారు. దర్శకుడిపై అనుమానం వచ్చిన నిర్మాత హీరోకు సమాచారం అందించాడు. దీంతో ఆ ప్రాజెక్టును నిలిపివేయాలని నిర్ణయించారు. ఇప్పుడు ఆ హీరో కోసం మరో దర్శకుడిని తీసుకురావాలని ప్రయత్నిస్తున్నాడు. ఈసారి ఓ తెలుగు దర్శకుడితో చేయబోతున్నారు.
