NTR’s ‘Devara’ movie :
టాలీవుడ్ లో ఒక్కో స్టార్ హీరో క్రేజీ ప్రాజెక్టులను సెట్ చేసుకుని వారి లైనప్ లో వరుసగా సినిమాలను చేర్చుకుంటూ పోతున్నారు. మరి ఒక్కో కాంబో చాలా ఇంట్రెస్టింగ్ గా తెరకెక్కుతున్నాయి. ఈ కాంబోలపై ప్రేక్షకుల్లో ఆసక్తి నెలకొంది.. మరి ఈ సినిమాలన్నీ ఒక్కొక్కటిగా రిలీజ్ డేట్ లను లాక్ చేసుకుంటున్నాయి.. ఈ క్రమంలోనే ఎన్టీఆర్ ప్రజెంట్ నటిస్తున్న దేవర సినిమా గురించి ఇంట్రెస్టింగ్ గాసిప్ నెట్టింట వైరల్ అవుతుంది.
ఆర్ఆర్ఆర్ వంటి సినిమాతో గ్లోబల్ స్టార్ గా వెలుగొందుతున్న తారక్ నెక్స్ట్ తన 30వ సినిమాను కొరటాల శివ దర్శకత్వంలో చేస్తున్నాడు. కొరటాల శివ దర్శకత్వంలో చేస్తున్న ఈ సినిమా నుండి ఇటీవలే మేకర్స్ టైటిల్ ను ప్రకటించారు.. ‘దేవర’ సినిమాతో కొరటాల ఎన్టీఆర్ ను వీర మాస్ లెవల్ లో చూపించడానికి సిద్ధం అయ్యాడు. ఎన్టీఆర్ కూడా వరుసగా 6 హిట్స్ ను తన ఖాతాలో వేసుకుని ఫుల్ ఫామ్ లో ఉన్నాడు.
ఇదే ఊపులో ఈ సినిమాతో కూడా బ్లాక్ బస్టర్ అందుకోవాలని ఆశ పడుతున్నాడు. ఈ సినిమా పాన్ ఇండియా రేంజ్ లో తెరకెక్కుతుండగా ఇప్పటికే షూట్ స్టార్ట్ అయ్యి రెండు షెడ్యూల్స్ కూడా పూర్తి చేసుకుంది.. ఇక ఈ సినిమాను 2024 సమ్మర్ లో రిలీజ్ చేసేందుకు సన్నాహాలు చేసుకుంటున్నారు. ఈ క్రమంలోనే ఎన్టీఆర్ రాకతో హీరోలంతా పక్కకు తప్పుకున్నారు అని అంటున్నారు. మేకర్స్ సంక్రాంతి తర్వాత సమ్మర్ బెస్ట్ సీజన్ కావడంతో అప్పుడే రిలీజ్ చేయడానికి ప్లాన్ చేసుకుంటారు.
అయితే ఈసారి మహేష్, చిరంజీవి, రవితేజ వంటి వారు సంక్రాంతికి ఫిక్స్ అవ్వగా.. పవన్ కళ్యాణ్ ఓజితో ఈ ఏడాది డిసెంబర్ లోనే వచ్చేందుకు ప్లాన్ చేసుకుంటున్నారు. ఇక మిగిలింది అల్లు అర్జున్, రామ్ చరణ్ లు కాగా వీరు కూడా వేసవి రేస్ లో అయితే లేరని తెలుస్తుంది. ఇలా దేవర మినహా ఈసారి సమ్మర్ రేస్ లో ఎవ్వరు లేరని తాజాగా టాక్ బలంగా వస్తుండడంతో ఎన్టీఆర్ సింగిల్ గా రాబోతున్నాడు అని టాక్. చూడాలి మరి చివరకు ఏం జరుగుతుందో.
