Justin Trudeau: అధికారిక ఒత్తిళ్లు.. సక్యత కుదరకపోవడం కారణం ఏదైనా కావచ్చు కానీ దంపతులు విడిపోతున్నారు. సాధారణ వ్యక్తికి ఆర్థిక పరమైన ఇబ్బందుల్లో కుటుంబ కలహాలు ఉంటాయని అనుకోవడం సహజం కానీ సాక్షాత్తు దేశ ప్రధాని కూడా వైవాహిక జీవితం నుంచి విముక్తి కోరుకుంటున్నాడంటే ఏం అనుకోవాలి. దాదాపు 18 ఏళ్లు కలిసి ఉంటేనే ఎంతో గొప్పగా అనుకున్నారో ఏమో విడిపోవాలని నిర్ణయం తీసుకున్నారు.
కెనడా ప్రధాని జస్టిస్ ట్రూడో తన భార్య గ్రెగోయిర్ తో విడిపోతున్నట్లు తాజాగా ప్రకటించారు. దంపతులు ఇద్దరూ వారి వారి ఇన్ స్టా ఖాతాలో పోస్ట్ లు పెట్టి మరీ చెప్పారు. ఈ నిర్ణయానికి ముందు చాలా ఆలోచించామని, చర్చలు కూడా చేశామని వారు వెల్లడించారు. విడాకుల తర్వాత కూడా ఒకరిపై ఒకరు ప్రేమ, గౌరవం మాత్రం ఉంటుందని చెప్పుకచ్చారు. పిల్లల భవిష్యత్ ను దృష్టిలో పెట్టుకొని కూడా కొన్ని విషయాలను సీరియస్ గాతీసుకున్నట్లు దంపతులు వివరించారు. ట్రూడో-సోఫీకి ఇద్దరు కుమారులు, ఒక కూతురు ఉంది. జేవియర్ (15), ఎల్లా-గ్రేస్ (14), హాడ్రియన్ (9).
తాము విడిపోయినా వారికి ఇద్దరం ప్రేమ ఆప్యాయతలను అందిస్తామని చెప్పుకచ్చింది ఈ జంట. సెలవుల్లో వారితో కలిసి గిడిపేందుకు ప్రణాళికలు కూడా వేసుకున్నట్లు చెప్పారు. వారి గోప్యతకు ఎలాంటి భంగం కలిగించవద్దని జస్టిన్ ట్రూడో కార్యాలయం ప్రజలను కోరింది. గతంలో ట్రూడో తండ్రి కూడా పదవిలో ఉండగానే ట్రూడో తల్లికి విడాకులు ఇచ్చారు. ట్రూడో తండ్రి పియరీ ట్రూడో కూడా తన భార్య మార్గరెట్ కు డైవర్స్ ఇచ్చారు.
