The Kerala Story Collections : ఇప్పుడు సినిమాల్లో దేశ వ్యాప్తంగా సెన్సేషన్ క్రియేట్ చేస్తున్న సినిమా ఏది అంటే అది ”ది కేరళ స్టోరీ” అనే చెప్పాలి.. ఈ సినిమా దేశ వ్యాప్తంగా సంచలనం క్రియేట్ చేస్తుంది. ఒక వైపు కర్ణాటకలో పొలిటికల్ వార్ కాక పుట్టిస్తుంటే మరో వైపు ఈ సినిమా కూడా అందుకు ఏ మాత్రం తీసిపోకుండా సంచలనం రేపుతోంది.
నిజ జీవిత సంఘటనల ఆధారంగా తెరకెక్కిన ఈ సినిమా విమర్శకుల ప్రశంసలు అందుకోవడమే కాకుండా బాక్సాఫీస్ దగ్గర కూడా సంచలన విజయం సాధించి ఇంకా మరింతగా దూసుకు పోతుంది. అయితే ఈ సినిమాపై ముందు నుండి విమర్శలు కూడా అంతే స్థాయిలో వస్తున్నాయి. అయిన కూడా రిలీజ్ తర్వాత మరింత దూసుకు పోతుంది.
ఎన్ని వివాదాలు చెలరేగితే అన్ని కలెక్షన్స్ రాబడుతాయి అని ఇప్పటికే కొన్ని సినిమాలు రుజువు చేయగా.. ఇప్పుడు ది కేరళ స్టోరీ కూడా ఇలానే ముందుగా వివాదాస్పదం అయ్యి ఆ తర్వాత హాట్ టాపిక్ అయ్యి ఇప్పుడు సంచలన వసూళ్లు రాబడుతూ బాక్సాఫీస్ దగ్గర రఫ్ఫాడిస్తుంది.
ఇక ఈ సినిమాలో ఆదా శర్మ మెయిన్ లీడ్ లో నటించగా పాజిటివ్ టాక్ తెచ్చుకుని ఇప్పుడు బ్లాక్ బస్టర్ దిశగా సాగిపోతుంది. కలెక్షన్స్ పరంగా చూసుకుంటే మొదటి రోజు 8 కోట్లను అందుకున్న ఈ సినిమా రెండవ రోజు 11.22 కోట్ల కలెక్షన్స్ సాధించింది.. ఇక మూడవ రోజు 16.40 కోట్లు రాబట్టగా నాల్గవ రోజు 10.07 కోట్లు దక్కించుకుంది.. మొత్తంగా నాలుగు రోజుల్లోనే ఈ సినిమా 45.72 కోట్ల వసూళ్లను సాధించి సెన్సేషన్ క్రియేట్ చేసింది.
