మెగా బ్రదర్ నాగబాబు కోడలిగా వస్తున్న లావణ్య త్రిపాఠి గురించి తెలుసుకునేందుకు మెగా ఫ్యాన్స్ తెగ సెర్చ్ చేస్తున్నారు. మెగాకు దగ్గరవ్వాలంటే అంత ఆశామాషి కాదు. ఎన్నో విషయాలను పరిగణలోకి తీసుకుంటారు మెగా బ్రదర్స్. రామ్ చరణ్ పెళ్లి విషయంలో కూడా ఆచీ తూచీ వ్యవహరించారు. రామ్ చరణ్ ఉపాసన ప్రేమించుకున్నా కూడా పెద్దలను ఒప్పించి మరీ పెళ్లి చేసుకున్నారు. ఇక ఇరు వైపులా అన్ని చూసే వివాహం జరిపించారు. ఇప్పుడు వరుణ్ బాబు వివాహానికి కూడా అలానే చేశారట.
లావణ్య త్రిపాఠి గురించి తెలుసుకునే ప్రయత్నం చేద్దాం. మొదట ఆమె చదువు గురించి తెలుసుకుంటే అందాల రాక్షసిలో ఓ డైలాగ్ ఉంటుంది. ‘ఈ చదువులు నా వల్ల కాదు నాన్న.. త్వరగా పెళ్లి చేసేయండి’ అని. ఈ డైలాగ్ అప్పట్లో దుమారం రేపిందనే చెప్పాలి. కొంచెం అటు ఇటైనా లావణ్య రియల్ లైఫ్ లో ఇదే కూడా జరిగిందట. లావణ్య త్రిపాఠి అయోధ్యలో జన్మించింది. ఆమె తండ్రి హైకోర్టు న్యాయవాది. తల్లి స్కూల్ టీచర్. విద్యాబ్యాసం డెహ్రాడూన్ లో పూర్తి చేసింది. ఆమెకు చెల్లి, తమ్ముడు కూడా ఉన్నారు.
ఉన్నత చదువులపై ఆమె అంత ఆసక్తిని చూపలేదట. సినిమాలపై ఇంట్రస్ట్ ఎక్కువగా పెట్టేదట. దీంతో నటిగా ప్రయత్నిస్తానని తండ్రికి చెప్పడంతో ముందు డిగ్రీ పూర్తి చేయాలి అంటూ కండీషన్ పెట్టారట. ఇక చేసేది లేక ముంబై వచ్చి ఎకనామిక్స్ లో గ్రాడ్యుయేషన్ పూర్తి చేసింది. ఆ తర్వాత మోడలింగ్ రంగంలోకి వెళ్లి మిస్ ఉత్తారాఖండ్ టైటిల్ సాధించింది. ఆమె ఒక క్లాసికల్ డ్యాన్సర్ కూడా. ఆమెకి భరత నాట్యంలో మంచి ప్రావీణ్యం ఉంది.
సినిమాల్లో తొలిఛాన్స్ 2012లో వచ్చింది. ఆ సినిమా పేరే ‘అందాల రాక్షసి’. ఆ మూవీలో క్యూట్ పర్ఫార్మెన్స్ తో ఆకట్టుకుంది ఈ ముద్దుగుమ్మ. ఆ తర్వాత ‘భలే భలే మగాడివోయ్’, ‘మిస్టర్’, ‘అంతరిక్షం’, ‘సోగ్గాడే చిన్నినాయన’, తదితర చిత్రాల్లో నటించి తెలుగు ప్రేక్షకులకు బాగా దగ్గరయ్యారు. మిస్టర్ చిత్రంలో వరుణ్ తేజ్ తో కలిసి నటించిన సమయంలోనే ఇద్దరి మధ్య ప్రేమ మొదలైంది. మెగా ఫ్యామిలీలోకి ఒక నటి కోడలిగా ఎంట్రీ అవడం రెండో సారి. గతంలో రేణు దేశాయ్ పవన్ కళ్యాణ్ ను పెళ్లి చేసుకుంది.
