Indian Cinema : భారతీయ తొలి సినిమా ‘రాజా హరిశ్చంద్ర’ సరిగ్గా ఇదే రోజు (21-4-1913) విడుదలైంది. దీనికి దాదా సాహెబ్ ఫాల్కే దర్శకుడు. ఈ మూవీని తొలుత ముంబైలో ప్రదర్శించారు. ఇది హిందీ మూకీ సినిమా. రామాయణ, మహాభారతాల్లో పేర్కొన్న రాజు హరిశ్చంద్రుడి గురించి ఈ మూవీలో ప్రదర్శించారు. ఈ మూవీ కంటె ముందు ‘పుండలీక్’ 1912 లోనే ప్రేక్షకుల ముందుకు వచ్చింది. కానీ ఆ సినిమాకు పనిచేసిన టెక్నీషియన్లు అందరూ విదేశీయులు కావడంతో ‘రాజా హరిశ్చంద్ర’ భారత తొలి సినిమాగా పరిగణించబడుతుంది.
రాజా హరిశ్చంద్ర మూవీలో దత్తాత్రేయ దామోదర్ దాబ్కే, అన్నా సాలుంకే, భాల్చంద్ర ఫాల్కే, గజానన్ వాసుదేవ్ సానే తదితరులు నటించారు. ఇది సత్య హరిశ్చంద్రుని కథ. ఇది మూకీ చిత్రం కావడంతో ఇంగ్లీష్, మరాఠీ మరియు హిందీ భాషల్లో సబ్ టైటిల్స్ ఉన్నాయి.