Jake Fraser McGurk : జేమ్స్ ఫ్రేజర్ మెక్ గుర్క్ ఢిల్లీ క్యాపిటల్స్ తరఫున ఐపీఎల్ లో డెబ్యూ చేసిన క్రికెటర్. ఇతను ఆడిన ఇన్సింగ్స్ లు ఐపీఎల్ అభిమానులు, క్రికెటర్లు ఎవరూ మరిచిపోరు. దాదాపు 234 స్ట్రైక్ రేటుతో తక్కువ బంతుల్లోనే ఎక్కువ పరుగులు చేసి ఢిల్లీ మెరుగైన ప్రదర్శన చేసిందంటే ఇతడే కారణం.
22 ఏళ్ల యంగ్ ఆసీస్ క్రికెటర్ కు మాత్రం అమెరికాలో జరగబోయే టీ 20 వరల్డ్ కప్ లో చోటు దక్కలేదు. మిచెల్ మార్ష్ సారథ్యంలో 15 మంది క్రికెటర్లతో కూడిన జట్టును ఎంపిక చేశారు. డేవిడ్ వార్నర్, మిచెల్ మార్ష్ ఓపెనర్లుగా బరిలోకి దిగనున్నారు. అయితే బిగ్ బాష్ లీగ్ తో పాటు.. ఐపీఎల్ లో జేమ్స్ ఫ్రేజర్ మెక్ గుర్క్ ఆట అందరినీ అలరించింది. భీకరమైన ఫామ్ లో ఉన్న యువ కెరటం. పేసర్లు, స్పిన్నర్లు అనే తేడా లేకుండా అందరు బౌలర్లపై సిక్సులు, ఫోర్లతో విరుచుకుపడ్డాడు. కేవలం 9 మ్యాచుల్లో 330 పరుగులు చేసి ఔరా అనిపించుకున్నాడు.
జేమ్స్ బ్యాటింగ్ కు వచ్చిన తర్వాతనే ఢిల్లీ విజయాల బాట అందుకుంది. ప్లే ఆప్ చేరినంత పని చేసింది. కానీ ఢిల్లీకి నెట్ రన్ రేట్ కలిసి రాక 6 స్థానంతో సరిపెట్టుకోవాల్సి వచ్చింది. అయితే ఇంత భీకర ప్లేయర్ ను కచ్చితంగా జట్టుతో పాటు ఉంచాలని ఆసీస్ కోచ్ అండ్రూ మెక్ డొనాల్డ్ అనుకున్నాడు. తక్షణమే ఆసీస్ బోర్డుతో మాట్లాడి తుది జట్టులో కాకుండా.. ఎక్స్ ట్రా ప్లేయర్ గా సెలక్ట్ చేశారు.
ఎవరికైనా గాయమైనా.. జేమ్స్ ఫ్రేజర్ కు అవకాశం వస్తుంది. జేమ్స్ ఫ్రేజర్ మెక్ గుర్క్, మథ్యూ షార్ట్ ను ఆసీస్ ఎక్స్ ట్రా ప్లేయర్లుగా అమెరికాకు పంపిస్తోంది. జేమ్స్ ఫ్రేజర్ ను టీ 20 వరల్డ్ కప్ నకు సెలెక్ట్ చేయకపోవడంపై ఆసీస్ మాజీ కెప్టెన్ రికీ పాంటింగ్ నిరసన వ్యక్తం చేశాడు. ఇంత భీకర ఫామ్ లో ఉన్న యంగ్ క్రికెటర్ సేవలను ఆసీస్ టీం కోల్పోయిందని వఆవేదన వ్యక్తం చేశాడు.
