నటసింహం నందమూరి బాలకృష్ణ టాక్ షో ” అన్ స్టాపబుల్ ” . ఆహా కోసం బాలయ్య చేస్తున్న ఈ షో జాతీయ స్థాయిలో అదరగొట్టిన విషయం తెలిసిందే. మొదటి సీజన్ బ్లాక్ బస్టర్ కావడంతో అక్టోబర్ లో రెండో సీజన్ మొదలు పెట్టడానికి సిద్ధమయ్యారు. తాజాగా అన్ స్టాపబుల్ ఆంథెమ్ సాంగ్ రిలీజ్ చేసారు. ఇక ఈ పాట అదరగొడుతోంది సోషల్ మీడియాలో.
బాలయ్య నటించిన పలు చిత్రాల్లోని పవర్ ఫుల్ డైలాగ్స్ తో ఈ పాట సాగింది. ఇక ఈ పాటను రోల్ రైడా రాయడమే కాకుండా పాడాడు కూడా. అలాగే ఈ పాటకు మణిశర్మ తనయుడు మహతి సాగర్ సంగీతం అందించాడు. బాలయ్య ఈ షోలో చేసిన పలు క్లిప్ లతో విజువల్ గా బ్రహ్మాండంగా రూపొందించారు ఈ పాటను. మూడున్నర నిమిషాలకు పైగా ఉన్న ఈ పాట మాస్ ని విశేషంగా అలరించేలా ఉంది.
ఇక అన్ స్టాపబుల్ రెండో సీజన్ విషయానికి వస్తే ……. దసరా కానుకగా అక్టోబర్ లో రెండో సీజన్ ప్రారంభం కానుంది. ఈ రెండో సీజన్ లో మెగాస్టార్ చిరంజీవి , ప్రభాస్ , జూనియర్ ఎన్టీఆర్ తదితర స్టార్ హీరోలు రానున్నారు. వీళ్ళు షోకు వస్తే దబిడి దిబిడే ……. మాస్ ప్రేక్షకులకు విశేషంగా నచ్చడం ఖాయం.
