Twitter Vs Threads App : ప్రముఖ సోషల్ మీడియా ప్లాట్ ఫాం ట్విట్టర్ ను ఎలాన్ మస్క్ హస్తగతం చేసుకున్నాడు. ట్విట్టర్ కొనుగోలుకు ముందు ఆయన ప్రపంచ కుబేరుడిగా ఉన్నాడు. అయితే ఆ తర్వాత జరిగిన అనేక నాటకీయ పరిణామాలతో ఎలాన్ మాస్క్ ప్రపంచ కుబేరుడి జాబితాలో నెంబర్ వన్ స్థానాన్ని కోల్పోయిన సంగతి తెల్సిందే.
ట్విట్టర్ ను మనీ మిషన్ గా భావిస్తున్న ఎలాన్ మాస్క్ అనేక మార్పులు చేస్తూ వస్తున్నారు. ఇందులో భాగంగా ట్విట్టర్ యూజర్లకు బ్లూటిక్ ఆప్షన్ తీసుకొచ్చి పేమెంట్ వసూలు చేస్తున్నారు. తద్వారా ట్విటర్ కొనుగోలుకు ఖర్చు చేసిన డబ్బులను రికవరీ చేస్తున్నారు. అంతేకాకుండా పలువురి ప్రముఖుల ట్విటర్ ఖాతాలను పునరుద్ధరిస్తూ వారి నుంచి సైతం భారీ మొత్తంలో వసూలు చేస్తున్నారనే ఆరోపణలను ఎదుర్కొంటున్నాడు.
అయితే ట్విట్టర్ కు పోటీగా మేటా సీఈవో మార్క్ జుకర్ బర్గ్ తాజాగా థ్రెడ్ యాప్ ను తీసుకొచ్చారు. ట్వీట్టర్ కంటే ఎక్కువ ఫీచర్లు థ్రెడ్స్ యాప్ లో ఉండటంతో నెటిజన్లు అటువైపు మళ్లుతున్నారు. ట్విటర్లో ఎలాన్ మాస్క్ తీసుకొచ్చిన కొత్త నిబంధనలు విసుగు చెందిన ట్విట్టర్ ఖాతాదారులు భారీగా థ్రెడ్స్ యాప్ ను డౌన్ లోడ్ చేసుకుంటున్నారు. థ్రెడ్స్ యాప్ ప్రారంభించిన రెండు గంటల్లోనే రెండు మిలియన్ల డౌన్ లోడ్స్ వచ్చాయంటే పరిస్థితి ఎలా ఉందో అర్థం చేసుకోవచ్చు. దీంతో థ్రెడ్స్ యాప్ కు నెటిజన్లు ‘ట్విట్టర్ కిల్లర్’ అనే నామకరణం చేశారు.
