ఐదేళ్ల క్రితం బాక్సాఫీస్ ను షేక్ చేసిన తమిళ్ డబ్బింగ్ మూవీకి సీక్వెల్ రెడీ అయ్యింది. దీనికి సంబంధించిన ట్రైలర్ ను హీరో శనివారం (29 ఏప్రిల్) రిలీజ్ చేశారు. అప్పట్లో పార్ట్-1 అదరగొట్టింది. బిగ్హిట్ సొంతం చేసుకుంది. అదే ‘బిచ్చగాడు’ మూవీ. విలక్షణ నటుడు విజయ్ ఆంటోని ఈ చిత్రంలో హీరోగా నటించారు. తెలుగులో 55 కేంద్రాల్లో వంద రోజులు దిగ్విజయంగా పూర్తి చేసుకోవడంతో పాటు మరికొన్ని కేంద్రాల్లో అర్థశతదినోత్సవం కూడా జరుపుకుంది.
బిచ్చగాడు సినిమా తమిళంలో తీయగా దాన్ని డబ్ చేసి తెలుగులో రిలీజ్ చేశారు. తెలుగులో హక్కులను చదలవాడ శ్రీనివాస్ రావు తీసుకోగా.. ఆయనకు కోట్లాది రూపాయలు తెచ్చిపెట్టింది. ఈ సినిమా కంటే ముందు విక్టరీ వెంకటేశ్ తో తీసిన శ్రీను సినిమాతో భారీ విజయాన్ని సొంత చేసుకున్న చదలవాడ, తర్వాత బిచ్చగాడు రిలీజ్ చేసి సూపర్ హిట్ సాధించాడు.
మే 19న బిచ్చగాడు-2ను రిలీజ్ చేసేందుకు చిత్ర యూనిట్ అన్ని ఏర్పాట్లు పూర్తి చేసింది. దీనికి సంబంధించిన ట్రైలర్ ను విజయ్ ఆంటోని రిలీజ్ చేశారు. ఫస్ట్ పార్ట్ లాగానే సెకండ్ పార్ట్ లో కూడా ఎమోషన్ సీన్స్ ఉంటాయని తెలుస్తోంది. దేశంలోనే గ్రేట్ బిజినెస్ మ్యాన్ గా ఉన్న హీరో బిచ్చగాడిగా మారడం వెనుక ఉన్న అసలు కథను మరో కోణంలో చెప్పేందుకు యత్నించారు. మరో అడుగు ముందుకేసి పెద్దోళ్ల నల్లధనానికి హీరోకు ఉన్న లింక్ ఏంటన్నది ట్విస్ట్.
బిచ్చగాడు ట్రాక్ అప్పటి సినిమాను గుర్తు చేస్తుంది. గత సినిమాలోని తల్లి సెంటిమెంట్ ఈ సనిమాలో ఉంటుందా..? అన్నది క్లారిటీ ఇవ్వలేదు. ట్రైలర్ మాత్రం ప్రామీసింగ్ గా అనిపించింది.