Bichagadu 2 collections : ఈ సమ్మర్ లో తెలుగు సినిమా వరుస ప్లాప్స్ తో అల్లాడి పోయింది అనే చెప్పాలి. చిన్న చిన్న సినిమాలు ఎన్ని వస్తున్న బాక్సాఫీస్ పై ఆధిపత్యం చెలాయించలేక వెనక్కి తగ్గాయి. మరి అలాంటి తరుణంలో తెలుగు ఇండస్ట్రీని కాస్త ఊపిరి పీల్చుకునేలా చేసిన సినిమా ‘బిచ్చగాడు 2’.. తమిళ్ డబ్బింగ్ సినిమా అయినప్పటికీ తమిళ్ కంటే ఎక్కువ కలెక్షన్స్ రాబట్టింది..
బిచ్చగాడు సినిమా అప్పట్లో క్రియేట్ చేసిన సెన్సేషన్ ను మూవీ లవర్స్ ఇంకా మరువక ముందే మళ్ళీ బిచ్చగాడు 2 రిలీజ్ అయ్యింది. విజయ్ ఆంటోనీ హీరోగా నటించిన ఈ సినిమా ఎటువంటి హంగామా లేకుండా రిలీజ్ అయ్యి బాక్సాఫీస్ దగ్గర భారీ హిట్ అయ్యింది.. అప్పట్లోనే 15 కోట్లకు పైగానే కలెక్షన్స్ రాబట్టిన ఈ సినిమాకు సీక్వెల్ గా బిచ్చగాడు 2 రిలీజ్ అయ్యింది.
భారీ అంచనాల మధ్య రిలీజ్ అయిన ఈ సినిమా మొదటి ఆట నుండే డివైడ్ టాక్ తెచ్చుకుంది. అయితే తెలుగులో ఇతర సినిమాలు లేకపోవడంతో ఈ సినిమాకు ప్లస్ అయ్యింది. బయ్యర్స్ కు కూడా బిచ్చగాడు సినిమాతో జాక్ పాట్ తగిలింది.. ఈ సినిమా తెలుగు రాష్ట్రాల్లో 6 కోట్ల ప్రీ రిలీజ్ బిజినెస్ చేయగా.. క్లోజింగ్ కలెక్షన్స్ వివరకు ఇప్పుడు బయటకు వచ్చాయి.
బిచ్చగాడు 2 సీక్వెల్ తెలుగు రాష్ట్రాల్లో 9 కోట్ల 50 లక్షల రూపాయల షేర్ వసూళ్లు సాధించినట్టు తెలుస్తుంది. అంటే ఈ సినిమాతో బయ్యర్స్ కు 3.50 కోట్ల రూపాయల లాభాలు వచ్చాయి.. టాక్ మంచిగా రాకపోయినా ఈ రేంజ్ వసూళ్లు రాబట్టిన ఈ సినిమా మంచి టాక్ వస్తే మరిన్ని కలెక్షన్స్ రాబట్టేది.. మరి బిచ్చగాడు 3 కూడా ఉందని చెప్పిన ఆంటోనీ ఈసారి అయిన కథ మీద ద్రుష్టి పెడితే రికార్డ్ కలెక్షన్స్ రాబట్టడం ఖాయం..