Sanya Malhotra : సాన్యా మల్హోత్రా బాలీవుడ్‌లో వరుస సినిమాలు చేస్తూ జోరు మీద ఉన్న నటి. కానీ ఈ ముద్దుగుమ్మ సినిమాల్లోకి రావడం సాన్యా మమ్మీకి ఇష్టం లేదు. ఈ బ్యూటీకి కొత్తగా బాలీవుడ్ లోకి వచ్చిన సమయంలో అవకాశాలు రాకపోవడంతో బిడ్డ మనసు మార్చే ప్రయత్నం చేసిందట. తాను సినిమాల్లో ఉండకుండా చేసేందుకు అమ్మ చేసిన ప్రయత్నాలు అన్నీ ఇన్నీ కావని సాన్యా ఓ ఇంటర్వ్యూలో తెలిపింది.
బాలీవుడ్‌కి వచ్చిన కొత్తలో ఎంతో మంది రిజెక్ట్ చేశారని అవే తనలో మరింత కసిని పెంచాయని సాన్యా మల్హోత్రా చెబుతోంది. దంగల్ సినిమాతో అదిరిపోయే ఎంట్రీని ఇచ్చిన సాన్యా తనకు తిరుగులేదని నిరూపించుకుంది. అమీర్ ఖాన్ నటించిన ‘దంగల్’ సినిమా బాలీవుడ్‌లో బిగ్గెస్ట్ హిట్స్‌లలో ఒకటిగా నిలవగా.. బబితా కుమారి పాత్రలో సాన్యా యాక్టింగ్ కు ఫ్యాన్స్ ఫిదా అయ్యారు.
దంగల్ విజయం వెనక ఎంతో కష్టం ఉందని ఒక్క రోజులో వచ్చింది కాదని అమ్మడు చెబుతోంది. అయితే తన తల్లి చాలా మంది పంతుళ్లకు దగ్గరకు తీసుకెళ్లి ఈమె హిరోయిన్ కాకుడదని ఏమైనా చేయమని చెప్పిందటా.. ఆ సమయంలో సాన్యా ఆ పంతుళ్లకు సవాల్ చేసి నిరూపించింది. హిరోయిన్ అయిన తర్వాత తమ వద్దకే వచ్చి ఆశీర్వాదం తీసుకుంటానని చాలెంజ్ చేసిందంటా. ఎందుకంటే ఆ జ్యోతిష్కుళ్ల వద్దకు వెళ్లిన సమయంలో ఏకానమిక్స్ లో డిగ్రీ పొంది బ్యాంకులో ఉద్యోగం వస్తుందని చెప్పారు. కానీ వారందరి మాటలు కాకుండా తాను నమ్మిందే నిజం చేసుకున్నానని కాన్ఫిడెంట్ గా చెబుతోంది.
తొలుత ఓ డ్యాన్స్ రియాలిటీ షోలో సాన్యాకు అవకాశం రాగా.. దాన్ని సద్వినియోగం చేసుకుంది. 1992 లో ఓ పంజాబీ కుటుంబంలో పుట్టిన సాన్యా తన డిగ్రీని గార్గి కాలేజీలో కంప్లీట్ చేసింది. డ్యాన్స్ రియాలటీ షోలో పాల్గొన్న ఆమె అదే డ్యాన్స్ రియాలటీ షోకు వెళ్లి జడ్జిగా చేసి తానెంటో నిరూపించుకుంది. ఆ సమయంలో కొన్ని విషయాలను ఆమె షేర్ చేసుకుంది. షారూక్, అమీర్ ఖాన్ లాంటి స్టార్ హిరోలతో నటించి నటిగా తనకంటూ ప్రత్యేక గుర్తింపు తెచ్చుకుంది.
