- సామాజిక వర్గాల వారీగా చూస్తే ఎవరికెన్నీ వచ్చాయంటే?
BRS MP Candidates : తెలంగాణలో పార్లమెంట్ ఎన్నికలకు బీఆర్ఎస్ పార్టీ సిద్ధమైంది. అధికారాన్ని కోల్పోయిన బీఆర్ఎస్ పార్టీ పార్లమెంట్ ఎన్నికల్లో నైన ఎక్కువ సీట్లు సాధించాలని లక్ష్యంతో ముందుకు సాగుతు న్నారు.
ఈ ఎన్నికల్లో అత్యధికంగా ఎంపీ స్థానాలు గెలవక పోతే పార్టీ మనుగడ కష్టంగా మారుతుందని భావించి తీవ్ర కసరత్తు చేసి 16 మంది ఎంపీ అభ్యర్థులను ఫైనల్ చేశారు. పార్టీ ఫైనల్ చేసిన 16 మంది ఎంపీ అభ్యర్థులు కులాల వారీగా ఉన్న వివరాలు చూద్దాం..
బీసీ సామాజిక వర్గం నుంచి 5 మంది అభ్యర్థుల బరిలో ఉండగా రెడ్డి సామాజిక వర్గం నుంచి 4, వెలమ సామాజిక వర్గం నుంచి 1, కమ్మం 1, ఎస్సీ రిజర్వ్ 3, ఎస్టీ రిజర్వ్ 2 కేటాయించారు. ఎన్నికలను ప్రతిష్టాత్మకంగా తీసుకొని ఎలాగైనా విజయం సాధించాలని పార్టీ అధిష్టానం ఎంపికైన అభ్యర్థులకు దిశానిర్దేశం చేసింది.
