Actress Neha Sharma : ‘చిరుత’ మూవీ హీరోయిన్ నేహా శర్మ ప్రస్తుతం ఎన్నికల ప్రచారంలో సందడి చేస్తూ ఆకట్టుకుంటున్నారు. తన తండ్రి ప్రస్తుత ఎమ్మెల్యే అజిత్ శర్మ బీహార్ లోని బగల్ పుర లోక్ సభ అభ్యర్థిగా ఎన్నికల్లో పోటీ చేస్తుండడంతో ఆయన తరపున ప్రచారంలో ఆమె పాల్గొంటున్నారు. దీంతో నేహా రోడ్ షోలు నిర్వహిస్తుండగా.. ఆమెను చూసేందుకుప్రజలు భారీ సంఖ్యలో తరలివస్తున్నారు.
ఈ సందర్బంగా ఆమె ప్రచార రథం పైకి ఎక్కి ఓటర్లకు అభివాదం చేస్తూ సందడి చేసిన ఫొటోలను ఆమె తండ్రి షోషల్ మీడియాలో షేర్ చేశారు. తన కుమార్తెకు ఇంత ప్రేమ, గౌరవం ఇచ్చినందుకు కహల్ గావ్, పీర్ పైంటి ప్రజలకు ధన్యవాదాలు తెలిపారు.
తొలుత భగల్ పుర సీటును నేహాకే ఇప్పించాలని అజిత్ ప్రయత్నించినా.. కాంగ్రెస్ పార్టీ మాత్రం ఆయనకే టికెట్ ఇచ్చింది. దీంతో జేడీయూ అభ్యర్థి అజయ్ మండల్ పై అజిత్ శర్మ పోటీ చేస్తున్నారు.