Relieve stress : మనిషి జీవితం యాంత్రికంగా మారుతోంది. ఒత్తిడి బాధిస్తోంది. దీంతో మధుమేహం, రక్తపోటు, థైరాయిడ్, గుండె జబ్బులు, అధిక బరువు వంటి సమస్యలతో సతమతమవుతున్నాం. ఈ నేపథ్యంలో మన ఆహార అలవాట్లు కూడా పట్టించుకోవడం లేదు. ఇష్టారాజ్యంగా తింటుండటంతో ఆరోగ్యం దెబ్బతింటోంది. ఒత్తిడితో ఉంటే మన ఆరోగ్యం చెడిపోవడం కామనే. అందుకే ఒత్తిడిని జయిస్తేనే మనకు ఆరోగ్యం మెరుగుపడుతుంది.
వ్యాయామం చేస్తే ఒత్తిడి దూరమవుతుంది. మనసు ప్రశాంతంగా ఉంటుంది. దీంతో ఎండార్ఫిన్ అనే హార్మోన్ విడుదల కావడంతో మానసిక స్థితి మెరుగు అవుతుంది. పలితంగా ఆందోళన మన నుంచి దూరం అవడానికి కారణమవుతుంది. ఒత్తిడి స్థాయిలను తగ్గించడంలో మనం కొన్ని జాగ్రత్తలు తీసుకుంటే మంచిది. ఒత్తిడి తీవ్రమైతే మానసిక సమస్యలు పెరుగుతాయి. వీటిని దూరం చేసుకోవాలి.
ఒత్తిడిని దూరం చేసుకోవడానికి సరైన విధంగా నిద్రపోవాలి నిద్రలేమి చాలా రకాల సమస్యలను తెస్తుంది. చిరాకు, ఆందోళనకరమైన ఆలోచనలను దూరం చేసుకోవాలి. నిద్ర దూరమైతే కార్టిసాల్ స్థాయిలు పెరుగుతాయి. ఒత్తిడి, నిద్రలేమి తో సమస్యలు పెరుగుతాయి. రోజుకు కనీసం 7 నుంచి 8 గంలు నిద్రపోవడం వల్ల ప్రశాంతత నెలకొంటుంది.
ఒత్తిడి తగ్గించుకోవాలంటే ప్రాణాయామం, యోగా ఇంకా బాగా ఉపయోగపడతాయి. మన శ్వాసపై ఫోకస్ పెట్టడం, ఆందోళన తగ్గించుకోవడంపై మనసు పెట్టాలి. మనసు ప్రశాంతంగా ఉంటే ఎలాంటి నష్టాలు ఉండవు. ప్రస్తుతం అందరు టెక్నాలజీ పెరగడంతో ఫోన్, కంప్యూటర్, లాప్ టాప్ లు వాడుతున్నారు. అదేపనిగా కాకుండా అప్పుడప్పుడు విశ్రాంతిని ఇస్తే ప్రశాంతత అలవాటవుతుంది.